Caldes d'Estrac

Na Galipedia, a Wikipedia en galego.
Caldes d'Estrac
Escut de Caldes d'Estrac THV-ES.svg
Situación xeográfica
Localització de Caldes d'Estrac respecte del Maresme.svg
País España España
Comunidade autónoma Cataluña Cataluña
Provincia Barcelona
Comarca Maresme
Xeografía
Altitude 33 msnm
Superficie 0,90 km²
Poboación
Poboación 2.783 hab. (2010)
Densidade 3.092,22 hab/km²
Xentilicio caldenc, caldenca
Información
Código postal 08393
Alcalde Joaquim Arnó i Porras (CiU)
Páxina web www.caldetes.cat

Caldes d'Estrac, coñecido popularmente co diminutivo Caldetes, é un municipio de Cataluña, España, pertencente á provincia de Barcelona, na comarca do Maresme. A localidade está situada na costa, entre os municipios de Sant Vicenç de Montalt e Arenys de Mar, e a uns 11 km de Mataró, capital da comarca, e a 40 km de Barcelona.

Historia[editar | editar a fonte]

Os seus inicios remóntanse ao século XIII, levantado ao redor dun antigo hospital e dunha igrexa. O emprazamento dunha fonte de augas termais, deu o nome ao municipio.

Desde 1870 ata 1920, Caldetes, viviu unha primeira idade de ouro, ao ser centro de veraneo da burguesía catalá. Importantes poetas e escritores cataláns como Apel·les Mestres, Joan Maragall, Jacint Verdaguer ou Josep Palau i Fabre, viviron no municipio. Aínda que se considera que o diminutivo de Caldetes (aplicado especialmente ao barrio marítimo ou vila nova) naceu no século XVIII, o nome xa foi utilizado o ano 1600, na Xeografía de Cataluña de Pere Gil. Durante a Guerra civil española Caldetes foi considerada cidade aberta por ter varias embaixadas dentro do municipio, o que significaba que non podía ser bombardeada.

Demografía[editar | editar a fonte]

  • Evolución demográfica de Caldes d'Estrac entre 1996 e 2007
1996 1998 1999 2000 2001 2002 2003 2004 2005 2006 2007
1.751 1.808 1.937 1.973 2.228 2.137 2.310 2.448 2.508 2.607 2.672
  • Gráfico demográfico de Caldes d'Estrac

Economía[editar | editar a fonte]

A economía do pobo, baséase nas augas termais e o turismo de verán.

Comunicacións[editar | editar a fonte]

A estrada N-II comunica o termo co resto de municipios da costa, e unha estrada local úneo con Sant Vicenç de Montalt. Ten unha estación de ferrocarril de proximidades.

Lugares de interese[editar | editar a fonte]

Paseo marítimo.
  • Vila Vella, no alto do pobo, na que se atopan masías como Can Milans de Caldes, con elementos góticos e fortificada, e Can Gili, orixinaria do século XVI, moi reconstruída no 1910, por Francesc Nebot.
  • A igrexa de Santa María, situada no núcleo antigo do pobo, foi construída do 1805 ao 1829, sobre unha antiga igrexa do século XIII, da que só se conserva a pila bautismal, os capiteis dos arcos da fachada e unha lápida con carácteres góticos. O retablo orixinal foi queimado durante a guerra civil española.
  • A Torre Verda e a Torre Busquets, son dúas torres de defensa, ambas do século XVI. As dúas torres só separadas por uns metros, teñen xunto a elas, dous masías, hoxe en día moi restauradas. As dúas torres están catalogadas como, Ben Cultural de Interese Nacional.
  • O Paseo de Mar e o Paseo dos Ingleses, son dúas avenidas xunto ao mar, con notables casas de veraneo, a maioría de estilo novecentista e modernista.
  • Forno de cerámica do século XVI, descuberto casualmente en xullo de 2009 durante unhas obras na zona coñecida como o "Forn de les Escaletes".
  • A Fundació Palau foi inaugurada en maio de 2003, exhibe e difunde o fondo artístico da colección de arte persoal de Josep Palau i Fabre, así como os seus arquivos e biblioteca, do cal é de gran importancia o fondo documental sobre Picasso.

Festas[editar | editar a fonte]

  • Festa Maior: primeiro ou segundo fin de semana de setembro.
  • Festa local: festa de Santa Lucía, o 13 de decembro.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Caldes d'Estrac