Caixa GC
En bioloxía molecular, unha caixa GC é un patrón específico na secuencia de nucleótidos, que se encontra na rexión promotora dalgúns xenes eucarióticos situada augas arriba da caixa TATA e aproximadamente a 110 bases augas arriba do sitio de iniciación da transcrición. Ten a secuencia consenso GGGCGG, que é dependente da posición e independente da orientación.[1] Aos elementos GC únense factores de transcrición e teñen funcións similares aos amplificadores (enhancers).[2]
Unha clase de promotores da ARN polimerase II carecen de caixa TATA e de caixa CCAAT, pero conteñen moitas caixas GC. Nos promotores que non teñen caixa TATA pero teñen moitas caixas GC, os sitios de inicio da transcrición poden ser únicos e específicos (por exemplo no xene do receptor do factor de crecemento neural), ou poden ser múltiples e heteroxéneos (por exemplo, no xene do receptor da insulina). Polo menos debe haber dúas caixas GC para que se produza a transcrición nestes promotores.[1]
Notas[editar | editar a fonte]
- ↑ 1,0 1,1 Michael C. Blake, Robert C. Jambou, Andrew G. Swick, Jeanne W. Kahn, and Jane Clifford Azizkhan (1990). "Transcriptional Initiation Is Controlled by Upstream GC-Box Interactions in a TATAA-Less Promoter" (PDF). Molecular and Cellular Biology 10 (12): 6632–41. PMID 2247077. doi:10.1128/MCB.10.12.6632. Consultado o 2013-12-29. Resumo divulgativo.
- ↑ Klug WS, Cummings MR, Spencer CA, Palladina, MA (2009). Concepts of Genetics: Ninth Edition. San Francisco: Pearson Benjamin Cummings. pp. 463–464. ISBN 978-0-321-54098-0.