Caiman
| Caiman | |||||||||||||||
|---|---|---|---|---|---|---|---|---|---|---|---|---|---|---|---|
 Caiman yacare | |||||||||||||||
| Clasificación científica | |||||||||||||||
| |||||||||||||||
| Especie tipo | |||||||||||||||
| Caiman fissipes Spix, 1825 | |||||||||||||||
| Subgrupos | |||||||||||||||
| Sinonimia | |||||||||||||||
| |||||||||||||||
Caiman é un xénero de réptiles crocodilianos pertencentes á subfamilia Caimaninae. Todas as especies da subfamilia (que consta de tres xéneros) reciben o nome común de caimáns.[1][2] No Brasil, onde abundan, reciben o nome de jacarés (pero en portugués tamén existe a palabra caimão)[3]. Viven en América Central e do Sur. Son crocodilianos de tamaño relativamente pequeno, que chegan a lonxitudes de só uns poucos metros (3 m os máis grandes) e pesos medios de 6 a 40 kg.
Características[editar | editar a fonte]
As especies do xénero Caiman son similares aos aligátores en morfoloxía pero difiren en que teñen placas óseas chamadas osteodermos, enterrados nas capas internas da pel na parte inferior. As especies C. latirostris e C. crocodilus caracterízanse por ter unha crista ósea que cruza o nariz xusto baixo os ollos.[4] O C. yacare é a especie máis grande do xénero, e alcanza unha lonxitude media de adultos de 2,5 a 3 m,[5], mentres que o C. crocodilus chega a de 2 a 2,5 m, con femias menores,[6] e o C. latirostris é o menor do xénero, e xeralmente os machos miden de 1,8 e 2 m e as femias de 1,2 a 1,4 m.[7]
Distribución e hábitat[editar | editar a fonte]
Este xénero está presente en Centroamérica e Suramérica. A especie C. crocodilus viven en Centroamérica e partes da metade norte de Suramérica a altitudes de ata 800 m. Encóntrase xeralmente en auga doce, pero tamén visita augas salobres de estuarios nalgunhas ocasións. Vive en diversos hábitats incluíndo zonas húmidas e ríos e regatos de correntes lentas.[8] A especie C. yacare aparece na parte central e meridional de Suramérica, particularmente na rexión do Pantanal, a área húmida tropical máis extensa do mundo, que queda asolagada estacionalmente polo río Paraguai.[9] A especie C. latirostris habita na parte central e leste de Suramérica, incluíndo o sueste do Brasil, Bolivia, Paraguai, o Uruguai e norte da Arxentina, nas cuncas dos ríos Paraná, Paraguai, Uruguai e São Francisco.[10]
Comportamento[editar | editar a fonte]
As especies do xénero Caiman pasan a maior parte do seu tempo tomando o sol sobre os bancos de barro ou en correntes de selvas lamacentas e solleiras. Na estación seca, poden acumularse en grandes cantidades deles en pozas a medida que as áreas que os rodean van secando. Poden moverse sobre a terra con certa rapidez, bufan cando os molestan, e os individuos novos poden inflarse antes de abrir a boca agresivamente. Xeralmente non atacan os humanos pero os animais domésticos corren perigo. Atrapan as súas presas e arrástranas baixo a auga para afogalas. Poden observar unha presa potencial, irse nadando, mergullarse e volver para atacar desde debaixo da auga a un paxaro flotante ou a un mamífero que foi beber. As crías de caimáns aliméntanse de crustáceos e moluscos mentres que os animais máis grandes se alimentan de anfibios, peixes, aves, mamíferos e réptiles.[4]
Aniñan en moreas de vexetación e barro consolidados polas femias ao deitárense sobre eles. Entón cavan un burato e enterran nel unha ducia de ovos. Cando eclosionan, as crías usan o seu "dente de ovo" para romper a casca e saír. Parecen versións en miniatura dos seus pais, pero teñen fociños relativamente curtos e ollos máis grandes.[4]
Taxonomía[editar | editar a fonte]
Hai tres especies vivas, conforme á seguinte distribución:
- Xénero Caiman
Notas[editar | editar a fonte]
- ↑ Definicións no Dicionario da Real Academia Galega e no Portal das Palabras para caimán.
- ↑ BUSCatermos caimán
- ↑ Dicionário Priberam jacaré
- ↑ 4,0 4,1 4,2 Burton, Maurice; Burton, Robert (2002). International Wildlife Encyclopedia: Brown bear – cheetah. Marshall Cavendish. pp. 358–360. ISBN 978-0-7614-7269-8.
- ↑ Briton, Adam. "Caiman yacare (Daudin, 1802)". Crocodilian species list. Arquivado dende o orixinal o 04 de novembro de 2015. Consultado o 2015-09-09.
- ↑ Briton, Adam. "Caiman crocodilus (Linnaeus, 1758)". Crocodilian species list. Arquivado dende o orixinal o 22 de outubro de 2015. Consultado o 2015-09-09.
- ↑ Briton, Adam. "Caiman latirostris (Daudin, 1801)". Crocodilian species list. Consultado o 2015-09-09.
- ↑ Terry, Kayla (2010). "Caiman crocodilus: Common caiman, spectacled caiman". Animal Diversity Web. University of Michigan. Consultado o 2015-09-08.
- ↑ Smith, Roff (2013-07-01). "Yacare caiman: The Comeback Croc". National Geographic. Arquivado dende o orixinal o 31 de xullo de 2017. Consultado o 2015-09-08.
- ↑ Verdade, Luciano M.; Larriera, Alejandro; Piña, Carlos I. "Broad-snouted Caiman: Caiman latirostris" (PDF). IUCN. Arquivado dende o orixinal (PDF) o 08 de marzo de 2016. Consultado o 2015-09-08.
- ↑ Rodolfo Salas-Gismondi; John J. Flynn; Patrice Baby; Julia V. Tejada-Lara; Frank P. Wesselingh; Pierre-Olivier Antoine (2015). "A Miocene hyperdiverse crocodylian community reveals peculiar trophic dynamics in proto-Amazonian mega-wetlands". Proceedings of the Royal Society B: Biological Sciences 282 (1804): 20142490. PMC 4375856. PMID 25716785. doi:10.1098/rspb.2014.2490.
- ↑ Costa Fortiera y Ascanio Daniel Rincón, Daniel (2012). "Pleistocene crocodylians from Venezuela, and the description of a new species of Caiman". Quaternary International 305: 141–148. doi:10.1016/j.quaint.2012.03.018.