Cadaverina

Na Galipedia, a Wikipedia en galego.
Estrutura química da cadaverina.
Descarboxilación da lisina orixinando cadaverina.

A cadaverina (NH2(CH2)5NH2) é unha poliamina do grupo das diaminas producida pola descarboxilación do aminoácido lisina[1] catalizada polo encima lisina descarboxilase (LDC). A cadaverina tamén se chama 1,5-pentanodiamina e pentametilenodiamina. É unha diamina tóxica [2] e fedorenta semellante á putrescina. Ambas as dúas orixínanse durante a putrefacción dos tecidos animais, na que interveñen bacterias saprófitas, pero a cadaverina non se asocia unicamente á putrefacción, xa que os seres vivos tamén a producen en pequenas cantidades e é parcialmente responsable do cheiro caracterísitco dos ouriños e do seme.

Historia[editar | editar a fonte]

A putrescina [3] e a cadaverina[4] foron descritas por primeira vez en 1885 polo médico alemán Ludwig Brieger (1849–1919).[5]

Importancia clínica[editar | editar a fonte]

Atopáronse elevados niveis de cadaverina nos ouriños dalgúns pacientes con defectos no seu metabolismo da lisina.

Toxicidade[editar | editar a fonte]

A cadaverina é tóxica a altas doses. Nas ratas obsérvase unha toxicidade oral aguda de máis de 2000 mg/kg de peso corporal.[6]

Notas[editar | editar a fonte]

  1. PubChem Compound Cadaverine
  2. Lewis Robert Alan (1998). Lewis' Dictionary of Toxicology. CRC Press. ISBN 1566702232. 
  3. Ludwig Brieger, "Weitere Untersuchungen über Ptomaine" [Further investigations into ptomaines] (Berlin, Germany: August Hirschwald, 1885), page 43.
  4. Ludwig Brieger, "Weitere Untersuchungen über Ptomaine" [Further investigations into ptomaines] (Berlin, Germany: August Hirschwald, 1885), page 39. Na páxina 39 lese: Chameille á nova diamina, C5H16N2, "cadaverina", xa que, á parte da súa composición empírica, que facía que esta nova base parecese superficialmente un hidrido de neuridina, non había indicios que xustificasen que o fose.
  5. Breve biografía de Ludwig Brieger (en alemán).
  6. Acute and subacute toxicity of tyramine, spermidine, spermine, putrescine and cadaverine in rats

Véxase tamén[editar | editar a fonte]

Outros artigos[editar | editar a fonte]