Cacaforra viñosa
| Cacaforra viñosa | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Clasificación científica | ||||||||||||||
|
||||||||||||||
| Nome científico | ||||||||||||||
| ''Amanita rubescens'' | ||||||||||||||
 Coñeza toda a Bioloxía en Wikispecies, o directorio dos seres vivos |
A Cacaforra viñosa, nome científico Amanita rubescens e tamén coñecida en castelán como amanita rojiza ou amanita vinosa,[1] é un fungo basidiomiceto caracterizado por posuír un chapeu globoso, cando é novo, que evoluciona a plano, de cor avermellada, coa tonalidade do viño: na madurez, posúe numerosos restos do veo da volva, de cor branca rosácea. A cutícula é separable con facilidade. A marxe, incurvada a plana, non é estriada, e é delgada. As láminas, numerosas, libres, son de cor branca, así como as súas esporas. O pé é cilíndrico, de cor esbrancuxada a rosada; na súa base posúe unha volva da mesma cor ou lixeiramente máis saturada.[2] Crece en piñeirais e en uceirais.
De interese en gastronomía, debe consumirse sempre cociñada, nunca crúa; isto débese á presenza de hemolisinas que desaparecen ao quentarse até os 65 °C.[2] Ditas hemolisinas actúan eliminando os eritrocitos do sangue. Porén, o seu interese culinario está discutido, posto que, aínda destruídas as hemolisinas tras un shock térmico, aínda son indixestas.[2] Debe coidarse a súa identificación porque se presta a confusión con Amanita pantherina, esta última moi tóxica.
