CDLU

Na Galipedia, a Wikipedia en galego.
CDLU
Tipo Privada
Fundación 2013
Localización Galicia Lugo
Industria Téxtil
Páxina web www.omerchandising.com

CDLU é a marca deportiva propia do Club Deportivo Lugo, xestionada pola empresa Enfíos Texgroup con sede en Vilalba (Terra Chá). Creada no ano 2013, foi a marca oficial dos equipamentos do Lugo para a tempada 2013-14 da Segunda División, substituíndo a inglesa Umbro.

Deseño dos equipamentos 2013-14[editar | editar a fonte]

Equipamentos CDLU do CD Lugo.

Os equipamentos supoñen un lixeiro cambio nas cores do Lugo dos últimos anos, pasando de ser o pantalón do uniforme titular de azul escuro ao azul celeste da bandeira de Galicia. A camisola titular tamén leva detalles celestes acompañando ás tradicionais franxas verticais albivermellas. O segundo equipamento é completamente de cor gris con detalles en negro, diferenciándose do negro de anos anteriores, e o terceiro equipamento pasa ser negro con franxas diagonais celestes, semellante no deseño ao da selección galega. Ao igual que na anterior tempada, nas tres camisolas figura a lenda "1953. Forza Lugo" e a bandeira galega.

Véxase tamén[editar | editar a fonte]

Outros artigos[editar | editar a fonte]