C.B. Sarria
Club Baloncesto Sarria | |
Información xeral | |
---|---|
Liga | Primeira División Sénior Masculina |
Fundación | 1987 |
Cores | Amarelo e azul royal |
Presidente | Francisco Alfonso García Conde |
Adestrador | Jorge López Villaumbrales |
Localización | |
Cidade | Sarria, Galiza |
Pavillón | Novo Pavillón do Chanto (600 espectadores) |
http://www.cbsarria.com/ |
O Club Baloncesto Sarria é un equipo de baloncesto da vila lucense de Sarria (Galiza). Malia ter competido durante moitas tempadas na liga EBA, actualmente o primeiro equipo masculino xoga na Primeira División Sénior Masculina, e o feminino na Primeira División Autonómica Feminina, máximas categorías do baloncesto galego.
Traxectoria[editar | editar a fonte]
O Club Baloncesto Sarria constituíuse legalmente en xullo de 1987, mais xa a principios dos anos 80 viña participando en diversas competicións de ámbito provincial e autonómico.
Con anterioridade ao ascenso á liga EBA, o C.B. Sarria permaneceu 15 anos ininterrompidamente na Primeira División Nacional (anteriormente denominada 2ª división), sendo sempre a base do equipo os xogadores saídos da canteira, chegando a formar parte do equipo de liga EBA seis xogadores da canteira.
A pesar da curta historia do club, son moitos os éxitos acadados ata a data. O primeiro e máis importante deles é o arraigamento que o baloncesto acadou na vila, tanto polo número de practicantes como polo de seareiros que apoian o conxunto sarriano, demostrando partido a partido a máxima fidelidade.
Instalacións[editar | editar a fonte]
O Club Baloncesto Sarria disputa os seus partidos no Novo Pavillón do Chanto, situado na zona escolar e deportiva da vila de Sarria.