Cándido Rodríguez Losada

Cándido Rodríguez Losada

Biografía
Nacemento	19 de xaneiro de 1946 (78 anos) Celanova, España
Datos persoais
País de nacionalidade	España
Actividade
Ocupación	político
Partido político	Partido Socialista Obrero Español
Lingua	Lingua castelá

Cándido Rodríguez Losada, nado en Celanova o 19 de xaneiro de 1946, é un empresario e político galego, do PSOE.

Traxectoria

De familia labrega, cando tiña sete anos os seus pais marcharon emigrados a Venezuela e el entrou nun internado para continuar a súa educación en Ourense. Emigrou el tamén a Caracas en 1965, Cándido Rodríguez comezou a frecuentar a Irmandade Galega de Caracas.

Membro do comité de dirección do Banco Occidental de Descuento, é tamén o presidente da Asociación de Empresarios Galegos en Venezuela.

Afiliado ao PSOE, o candidato socialista á presidencia da Xunta, Emilio Pérez Touriño solicitoulle figurar nas listas ás eleccións autonómicas de 2001, pero non aceptou. Mais si que aceptou figurar de candidato ao Senado polo PSdeG-PSOE pola provincia de Ourense, pola que saíu elixido nas Xerais de 2004. Non se presentou á reelección nos comicios de 2008. Aínda que segue afiliado ao PSOE e é secretario xeral do PSOE en Venezuela, abandonou a primeira fila política e regresou ao seu emprego de director do Banco Occidental de Descuento, en Caracas.

Vida persoal

Está casado e ten unha filla e un fillo.

Véxase tamén

Outros artigos

• Lista de senadores galegos desde a Transición

Ligazóns externas

• Ficha no Senado