Cándido Conde-Pumpido

Cándido Conde-Pumpido, nado na Coruña o 22 de setembro de 1949, é un xuíz e actual Fiscal Xeral do Estado de España.

Traxectoria

Licenciouse en Dereito e en Ciencias Económicas e empresariais pola Universidade de Compostela. En 1974 iniciou a súa carreira profesional como xuíz de Primeira Instancia e Instrución. Foi Maxistrado da Audiencia Provincial de Guipúscoa e Presidente da Audiencia Provincial de Segovia. En 1995 foi nomeado Maxistrado da Sala Segunda do Tribunal Supremo.

Opúxose á imputación de Felipe González polo caso GAL. Foi poñente da sentenza ditada no caso Roldán. Participou no Tribunal que condenou, entre outros, ó ex-ministro de Interior José Barrionuevo polo caso Marey.

O 23 de abril de 2004 foi nomeado Fiscal Xeral do Estado, en substitución de Jesús Cardenal.

Predecesor: Jesús Cardenal

Fiscal Xeral do Estado 2004 -

Sucesor: no cargo