Bufo

Na Galipedia, a Wikipedia en galego.
Bufos
Northern Spotted Owl.USFWS-thumb.jpg

Bufo manchado norteño

Clasificación científica
Reino: Animalia
Filo: Chordata
Clase: Aves
Orde: Strigiformes
Familias
  Strigidae
 Tytonidae

Un bufo é calquera das máis de 200 especies de aves de rapina nocturna solitaria do orde dos Strigiformes. Os bufos xeralmente cazan pequenos mamíferos, insectos e outras aves, aínda que algunhas especies especialízanse na caza de peixes. Están distribuídos por todos os continentes, excepto na Antártida e a maior parte de Groenlandia, e nalgunhas illas remotas.

Os bufos teñen grandes ollos e orellas que miran para adiante, un bico aquilino e un chamativo círculo de plumas ao redor dos seus ollos chamado disco facial. Aínda que os bufos teñen visión binocular, os seus ollos están fixos no seu lugar e teñen que xirar toda a súa cabeza para ver cara outra dirección.

Son hipermétropes e non poden ver nada a uns centímetros dos seus ollos. Non obstante, a súa visión, particularmente con luz baixa, é excelente.

Moitos bufos poden cazar en total escuridade guiándose polo son. O seu disco facial axuda a dirixir o son producido por roedores cara os seus oídos. Moitas especies posúen plumas suaves que lles permiten voar sen facer ruído, e desta forma oír os ruídos ou os zunidos que se producen no chan.

A pesar da súa aparencia, os bufos están máis directamente relacionados coas aves da orde dos Caprimulxiformes que cos falcóns e outros predadores diúrnos (Falconiformes).

Os ovos de bufo son brancos e case esféricos. Os seus niños constrúenos rudimentariamente e poden estar situados en árbores, en tobos, en alpendres e covas.

Mitoloxía[editar | editar a fonte]

Eagle.owl.arp.750pix.jpg

Os bufos asóciánse tradicionalmente coa sabedoría e a deusa Atenas, aínda que os corvos e outras aves comúns son máis intelixentes.

Na cultura xaponesa os bufos son símbolos da morte e ver un considérase de má sorte. O mesmo ocorre na cultura romanesa, e escoitar o son producido polos bufos é unha indicación de que alguén vai morrer na veciñanza, debido a que o son é parecido a un laído.

Os romanos considerábanos aves funerarias debido ás súas actividades nocturnas e por teren os seus niños en lugares pouco accesíbeis, polo que ver un bufo polo día considerábase de má sorte.gl:Estrixiformes