Morten Thrane Brünnich

Na Galipedia, a Wikipedia en galego.
(Redirección desde «Brünnich»)
Morten Thrane Brünnich
Nacemento30 de setembro de 1737
Lugar de nacementoCopenhague
Falecemento19 de setembro de 1827
Lugar de falecementoCopenhague
NacionalidadeDinamarca
Alma máterUniversidade de Copenhague
Ocupaciónornitólogo, profesor universitario, xeólogo, ictiólogo, lepidopterólogo, zoólogo e naturalista
PaiAndreas Petersen Brunnich
IrmánsPeter Brünniche
editar datos en Wikidata ]

Morten (ou Martin) Thrane Brünnich, nado en Copenhaguen o 30 de setembro de 1737 e finado o 19 de setembro de 1827, foi un zoólogo e mineraloxista danés.

Traxectoria[editar | editar a fonte]

Fillo dun pintor especializado en retratos, estudou en primeiro lugar linguas orientais e teoloxía. Pero, despois de ler obras de Carl von Linné, orientouse axiña cara á historia natural.

Participou na elaboración do Danske Atlas (1763-1781) de Erik Pontoppidan (1698-1764), achegando observacións sobre os insectos. Despois de facerse cargo das coleccións de historia natural de Christian Fleischer dedicouse ao estudo concreto da ornitoloxía, publicando en 1763 Ornithologia Borealis, a primeira fauna aviaria ártica, na que describe por primeira vez numerosas especies. Nela describe, por exemplo, as especies recollidas por Fleischer na península de Boothia (norte do Canadá). O mesmo ano deu á luz un libro de entomoloxía e un tratado sobre os éideres.

Brünnich mantivo correspondencia con numerosos naturalistas estranxeiros, entre eles Carl von Linné, Peter Simon Pallas e Thomas Pennant.

Publicou a súa famosa Entomologia en 1763. Comeza entón un longo periplo por Europa, estudando especialmente os peixes do mar Mediterráneo e as minas de Cornualla e de Hungría. Publicou o resultado das súas observacións ictiolóxicas en 1768 baixo o título de Icthyologia Massiliensis.

Á súa volta, Brünnich ocupou un posto de lector de historia natural e de economía na universidade de Copenhaguen. Alí fundou un museo de historia natural e escribiu un manual escolar, os Zoologiae fundamenta.

Nos últimos anos da súa vida dedicouse principalmente á mineraloxía.

Principais publicacións[editar | editar a fonte]

  • Prodromus insectologiæ Siælandicæ. Kopenhagen 1761.
  • Die natürliche Historie des Eider-Vogels. Kopenhagen 1763.
  • Eder-Fuglens Beskrivelse. Kopenhagen 1763.
  • Tillæg til Eder-Fuglens Beskrivelse. Kopenhagen 1763.
  • Entomologia. Godiche, Kopenhagen 1764.
  • Ornithologia borealis. Kall & Godiche, Kopenhagen 1764.
  • Ichthyologia Massiliensis. Roth & Proft, Kopenhagen, Leipzig 1768.
  • Appendix to Cronstedt's Mineralogy. Londres 1772.
  • Zoologiæ fundamenta praelectionibus academicis accommodata. Pelt, Kopenhagen 1771/72.
  • Mineralogie. Simmelkiær & Logan, Kopenhagen, St. Petersburg 1777-81.
  • Dyrenes Historie og Dyre-Samlingen ud Universitetes Natur-Theater. Kopenhagen, 1782.
  • Literatura Danica scientiarum naturalium. Kopenhagen, Leipzig 1783.
  • Catalogus bibliothecæ historiæ naturalis. Kopenhagen 1793.
  • Historiske Efterretninger om Norges Biergverker. Kopenhagen 1819.
  • Kongsberg Sölvbergwerk i Norge. Kopenhagen 1826.

Abreviartura[editar | editar a fonte]

A abreviatura Brünnich emprégase para indicar a Morten Thrane Brünnich como autoridade na descrición e taxonomía en zooloxía.

Véxase tamén[editar | editar a fonte]

Bibliografía[editar | editar a fonte]

  • Barbara Mearns e Richard Mearns (1988): Biographies for Birdwatchers: The Lives of Those Commemorated in Western Palearctic Bird Names. Londres: Academic Press. ISBN 0-12-487422-3.