Boteiro
Na Galipedia, a Wikipedia en galego.
O boteiro é un personaxe do folclore de Galiza, especialmente das festas de entroido na localidade ourensá de Viana do Bolo. Leva unha máscara de peso considerábel, e vai ataviado con vestimentas de cores, cunha faixa con picos e borlas e mais cun cinto con campaíñas ou directamente unha chocalla. Cómpre diferencialo do cigarrón, outro personaxe do entroido galego.
