Botón direccional
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2016.) |
O botón direccional, tamén coñecido como cruz direccional, pad direccional ou D-pad, é o controlador dixital de direccións en forma de cruz que posúen os gamepads das consolas de videoxogos. Aínda que foron en parte desprazados polas pancas analóxicas, continúan a estar presentes mesmo nas consolas da última xeración.
Os botóns direccionais poden dividirse, segundo a morfoloxía, en dous grupos:
- Botón direccional simple: Peza de plástico con forma de cruz, ben próxima da superficie (Nintendo NES, Game Boy, Super Nintendo) ou un pouco afundida (Nintendo 64, Dreamcast, Gamecube, Playstation).
- Botón direccional con base circular plana: Componse por unha base circular plana que ten a cruz no centro. Era común na época dos 16-bits (Mega Drive, Neo Geo...), e foi perdendo popularidade co tempo. Porén, continúa a ser usado en controis para computador.
