Bolton

Na Galipedia, a Wikipedia en galego.

Bolton é unha cidade británica situada no noroeste do país, na área urbana do Gran Manchester, aínda que tradicionalmente pertencía a Lancashire. No último censo realizado no ano 2000, tiña unha poboación de 280.000 habitantes.

Deportes[editar | editar a fonte]

Nesta cidade xoga o Bolton Wanderers, equipo da Premier League inglesa.

Música[editar | editar a fonte]

En Bolton é onde se formou a banda punk Buzzcocks, e por tanto significou moito para xestar a escena musical punk de Mánchester. Dous estudantes da escola politécnica local, Peter McNeish e Howard Trafford formaron esta banda, que foi unha das primeiras do xénero punk, e posteriormente debutaron en vivo naquela institución. Ao pouco tempo, McNeish sería coñecido como Pete Shelley e Trafford como Howard Devoto. Este logo destacaría máis como fundador e cantante da banda post-punk Magazine.

Bolton tamén é a cidade do cantante e guitarrista da banda británica McFly, Danny Jones.

Cidades irmandadas[editar | editar a fonte]