Bobby Hutton

Na Galipedia, a Wikipedia en galego.

Bobby Hutton, tamén chamado "Lil' Bobby" (Pequeno Bobby), foi o primeiro membro do Partido Pantera Negra tras a súa fundación en 1966. Tiña daquela só quince anos.

Asasinato[editar | editar a fonte]

O 7 de abril de 1968 será asasinado pola policía de Oakland nun tiroteo. Oito panteras negras, entre os que se atopaban tamén David Hilliard e Elridge Cleaver foron emboscados pola policía. Cleaver e Hutton conseguiron refuxiarse nun soto que axiña foi rodeado pola policía. Cando lles tiraron un bote de fume accederon a rendirse. Cleaver estaba ferido nunha perna e non podía camiñar, así que aconsellou a Hutton que se espise para demostrar que non levaba armas ocultas e saise. Hutton só retirou a camiseta e en canto saiu coas maos en alto recibiu doce impactos de bala que lle provocaron a morte inmediata. Cleaver, que o seguía a certa distancia, foi ferido novamente. A policía de Oakland disputa esta versión dos feitos.

Curiosidades[editar | editar a fonte]

  • Marlon Brando asistiu ao seu funeral.
  • Déuselle oficialmente o seu nome a un parque en Oakland, California.
  • O álbum "Together" de Country Joe and the Fish está dedicado a el.
  • Aparece citado na canción "Ghetto Hospel" de Tupac Shakur.