Boado, Xinzo de Limia

Para outras páxinas con títulos homónimos véxase: Boado.

Boado
Igrexa de San Pedro de Boado
Concello	Xinzo de Limia
Provincia	Ourense
Coordenadas	42°04′00″N 7°40′59″O
Poboación	104 hab. (2022)
Entidades de poboación	2
[ editar datos en Wikidata ]

San Pedro de Boado é unha das 22 parroquias do concello ourensán de Xinzo de Limia na comarca da Limia. No ano 2022 tiña 104 habitantes, dos cales 49 eran homes e 55 mulleres.

Economía

As súas actividades económicas principais son a gandería (vacún), a agricultura (trigo, pataca e produtos da horta). Tamén hai outros servizos como a fontanería, mecánica, e sector servizos.

Topónimo

Hai varias teorías sobre a orixe do topónimo Boado. Pode provir da palabra céltica bed/bud, que significaba "auga parada, charca, fonte", pola súa proximidade á Lagoa de Antela. Tamén é posible que proveña do árabe ouadi ("río"), ou do latín uadum ("fonte"), dado o feito de que en Boado existen máis de vinte fontes.

Demografía

Gráfica de evolución demográfica de Boado entre 2000 e 2020

Datos segundo o IGE.

Festas

O patrón da parroquia é San Pedro, que se celebra a última fin de semana do mes de xuño, mais tamén se celebran misas e festas por Ramos, polo magosto e polo Entroido.

Galería de imaxes

• 
  Parroquia de Boado.

Lugares e parroquias

Lugares de Boado

Lugares da parroquia de Boado no concello de Xinzo de Limia (Ourense)
Boado | Porto Alto

Véxase tamén

Outros artigos

• Lugares de Xinzo de Limia.

Ligazóns externas

• Boado.info - a páxina de Boado^{[Ligazón morta permanente]}
• Asociación Cultural Traslasxas
• Boado desde a Lagoa de Antela e a Limia