Blue Dragon (serie de anime)

Blue Dragon é un anime adaptado do videoxogo do mesmo nome, dirixido polo Yukihiro Matsushita e animado polos Estudios Pierrot.

O anime lanzouse ó ar o 7 de abril do 2007 (no Xapón) con diferentes actores de dobraxe no que o videoxogo. En Galiza, a serie de debuxos animados fixo a súa estrea na canle TVG o 17 de outubro do 2009.

Trama

A historia de Blue Dragon comeza moito tempo atrás, cando tivo lugar unha gran batalla entre a luz e a escuridade. Cada unha delas posuía gran poder, sobre todo a sombra. Con gran coraxe, os Sete Soldados da Luz derrotaron as forzas da escuridade e afastaron o seu poder para sempre. Pero agora o poder da sombra rexorde, combinando a súa forza co poder das máquinas. Blue Dragon baséase nun videoxogo co mesmo nome para Xbox 360. O protagonista desta grande historia é un mozo chamado Shu, que ten por sombra a un dragón azul, que repite os movementos que o rapaz realiza. Cheo de curiosidade por descubrir o significado deste dragón que o segue a todas partes, Shu emprende unha viaxe para atopar respostas ás súas preguntas. No camiño atoparase con outros que comparten a súa sombra particular, pero representando criaturas diferentes, como un tigre ou un morcego. Estas criaturas danlles poderes ós seus acompañantes, o cal espertará aínda máis a súa curiosidade e ganas por descubrir a orixe deste misterio.

Dobraxe

Personaxe	Voces xaponesas	Voces galegas
Shu	Keiko Nemoto	Daniel Lema
Zola	Romi Paku	Nora Abad
Kluke	Erino Hazuki	Consuelo Díaz
Jiro	Daisuke Namikawa	Oscar Fernández
Marumaro	Sakiko Uran	Isabel Vallejo
Bouquet	Saki Nakajima	Montserrat Davila
Blue Dragon	Masaya Takatsuka	Luís Iglesia
Nene	Shiro Saito	César Cambiero
Logi	Kentarou Itou	Andrés Bellas
Legolas	Ken'yū Horiuchi
Delphinium	Akiko Kimura	Carolina Vázquez
Noi		Teresa Santamaría

Véxase tamén

Ligazóns externas

• Páxina oficial de Blue Dragon (en inglés)
• Blue Dragon en Anime News Network (en inglés)