Bill Carson

Bill Carson
Biografía
Nacemento	25 de novembro de 1900 ; Bracebridge, Canadá (pt)
Morte	29 de maio de 1967 (66 anos); Parry Sound, Canadá (pt)
Datos persoais
País de nacionalidade	Canadá
Educación	Universidade de Toronto
Peso	158 lb
Actividade
Ocupación	xogador de hóckey sobre xeo
Deporte	hóckey sobre xeo
Liga	National Hockey League
Posición de xogo	Dianteiro
Mano para tirar	left-handed shot (en)
Traxectoria
	Premios Copa Stanley (pt) ;

William Joseph James "Doc" Carson, nado o 25 de novembro de 1900 en Bracebridge (Ontario, Canadá) e finado o 29 de maio de 1967 en Parry Sound (Ontario, Canadá), foi un xogador profesional de hóckey sobre xeo que xogou 159 partidos na National Hockey League (NHL), primeiro con Toronto St. Patricks (logo denominados Toronto Maple Leafs) e posteriormente nos Boston Bruins.^[1]

Bill foi un dos tres irmáns Carson que xogaron na NHL, xunto cos seus irmáns máis novos Gerry (Montreal Canadiens, New York Rangers e Montreal Maroons) e Frank (Montreal Maroons, New York Americans, Detroit Falcons -posteriormente Detroit Red Wings-).^[2]

Traxectoria[editar | editar a fonte]

Bill Carson naceu en Bracebridge en 1900. O desexo de Carson era converterse en dentista, que se materializaría en 1920 cando ingresou na Universidade de Toronto, onde se fixo un nome no seu equipo de hóckey sobre xeo, axudándoo a conseguir a vitoria na Allan Cup en 1921.^[1]

Carson permaneceu na Ontario Hockey Association (OHA) mentres finalizaba os seus estudos,^[2] e despois de ter xogado un ano nos Peach Kings de Grimsby e dúas nos Stratford Indians (conseguindo na tempada 1924-25 un total de 29 goles e 8 asistencias en 20 partidos), Carson asinou polos Toronto St. Patricks da National Hockey League (NHL) en 1926. Mike Rodden, director e adestrador do equipo de Toronto, puxo moitas esperanzas e confianza en Carson. Cando os "Pats" se converteron nos Maple Leafs en 1927, unha actuación estelar de Carson converteuno no favorito do público. Carson tamén pasaría á historia como un dos membros fundadores dos novos Maple Leafs, e pénsase que puido ter anotado o primeiro gol na historia da franquía de Ontario.^[1]

O 4 de febreiro de 1928, nun partido fronte aos Detroit Cougars durante a súa terceira tempada cos Maple Leafs, Carson foi gravemente lesionado cando durante un partido moi físico, caeu ao xeo nunha acción de contacto, causándolle unha conmoción cerebral e unha fractura de cranio. Aínda que se recuperou e volveu ao xeo, non era o mesmo xogador e o 25 de xaneiro de 1929 foi traspasado aos Boston Bruins.^[1]

O investimento dos Bruins pagou a pena cando o equipo gañou a Stanley Cup en 1929 cun gol gañador de Carson no minuto 18:02 do terceiro período no Madison Square Garden de Nova York, poñendo o marcador nun 2-1 a favor dos de Boston, que gañarían a eliminatoria fronte aos Rangers por 2-0. Despois desta vitoria Carson permaneceu unha tempada máis nos Bruins antes de ser traspasado aos London Tecumsehs da International Hockey League (IHL), nos que tan só xogou sete partidos.^[1]

Despois do seu breve paso pola IHL retirouse durante dous anos, aínda que tentou volver ao xeo en 1933, cando xogou unha tempada completa cos New Haven Eagles da Canadian American Hockey League, colgando os patíns definitivamente na tempada seguinte. Logo disto Carson regresou ao Canadá para exercer a odontoloxía, primeiro en Aurora, e logo en Parry Sound, onde morrería o 29 de maio de 1967.^[1]

En 2003, Bill Carson foi introducido no Bobby Orr Hall of Fame en Parry Sound.^[1]

Estatísticas[editar | editar a fonte]

Liga regular[editar | editar a fonte]


Tempada	Equipo	Liga	PX	G	A	Pts	PIM
1918-19	Woodstock Athletics	OHA-jr	-	—	—	—	-
1919-20	Universidade de Toronto	OHA-sr	3	6	1	7	-
1919-20	Universidade de Toronto	Allan Cup	6	9	4	13	-
1920-21	Universidade de Toronto	OHA-sr	10	13	3	16	-
1920-21	Universidade de Toronto	Allan Cup	8	14	2	16	-
1921-22	Universidade de Toronto	OHA-sr	9	15	3	18	-
1922-23	Universidade de Toronto	OHA-sr	11	8	10	18	-
1923-24	Grimsby Peach Kings	OHA-sr	-	-	-	-	-
1923-24	Toronto Granites	Exhib.	5	9	2	11	-
1924-25	Stratford Indians	OHA-sr	20	29	8	37	41
1925-26	Stratford Indians	OHA-sr	17	19	3	22	23
1926–27	Toronto St. Patricks	NHL	40	16	6	22	41
1927–28	Toronto Maple Leafs	NHL	32	20	6	26	36
1928–29	Toronto Maple Leafs	NHL	24	7	6	13	45
1928–29	Boston Bruins	NHL	19	4	2	6	10
1929–30	Boston Bruins	NHL	44	7	4	11	24
1930–31	London Tecumsehs	IHL	7	0	1	1	2
1933–34	New Haven Eagles	Can-Am	33	7	4	11	6
Totais na NHL			159	54	24	78	156

Playoffs[editar | editar a fonte]


Tempada	Equipo	Liga	PX	G	A	Pts	PIM
1920-21	Universidade de Toronto	OHA-sr	3	2	0	2	-
1924-25	Stratford Indians	OHA-sr	2	0	2	2	3
1928-29	Boston Bruins	NHL	5	2	0	2	8
1929-30	Boston Bruins	NHL	6	1	0	1	6
Totais na NHL			11	3	0	3	14

Premios e recoñecementos[editar | editar a fonte]

Membro do segundo equipo All-Star na OHA (1920, 1922, 1923)^[2]
Membro do primeiro equipo All-Star na OHA (1921)^[2]
Campión da Allan Cup (1921)^[2]
Campión da Stanley Cup (1929)

Notas[editar | editar a fonte]

↑ ^1,0 ^1,1 ^1,2 ^1,3 ^1,4 ^1,5 ^1,6 Bobby Orr Hall of Fame (ed.). "Inductee Corner. 2003 Inductees. Bill Carson" (en inglés). Arquivado dende o orixinal o 24 de outubro de 2014. Consultado o 18 de outubro de 2014.
↑ ^2,0 ^2,1 ^2,2 ^2,3 ^2,4 Hockey Hall of Fame (ed.). "Bill Carson" (en inglés). Consultado o 19 de outubro de 2014.

Véxase tamén[editar | editar a fonte]

Ligazóns externas[editar | editar a fonte]

Bill Carson en Legends of Hockey (en inglés)
Bill Carson no Bobby Orr Hall of Fame (en inglés)
Bill Carson en The Internet Hockey Database (en inglés)

[Orr-1] 1,0 ^1,1 ^1,2 ^1,3 ^1,4 ^1,5 ^1,6 Bobby Orr Hall of Fame (ed.). "Inductee Corner. 2003 Inductees. Bill Carson" (en inglés). Arquivado dende o orixinal o 24 de outubro de 2014. Consultado o 18 de outubro de 2014.

[legends-2] 2,0 ^2,1 ^2,2 ^2,3 ^2,4 Hockey Hall of Fame (ed.). "Bill Carson" (en inglés). Consultado o 19 de outubro de 2014.

[1]

[2]