Bienvenido Brens

Na Galipedia, a Wikipedia en galego.
Bienvenido Brens
Nome completo Bienvenido Brens Florimón
Naceu 30 de xullo de 1925
Pimentel,
República Dominicana Flag of the Dominican Republic.svg
Morreu 18 de xaneiro de 2007
Santo Domingo,
República Dominicana Flag of the Dominican Republic.svg
Ocupación (s) Compositor, músico
Xénero Folk
Instrumento(s) Saxo, guitarra
Tempo en activo 19442007

Bienvenido Brens Florimón, nado en Pimentel o 30 de xullo de 1925 e finado en Santo Domingo o 18 de xaneiro de 2007, foi un compositor e músico popular dominicano.

Traxectoria[editar | editar a fonte]

Foi bautizado polos seus pais, o compositor Bienvenido Brens Galán e Mercedes Florimón, co nome do pai, de quen herdaría a vea musical. A temperá idade realiza estudos musicais co profesor Rafael Pimentel. Ao terminar o bacharelato, quixo estudar Medicina na capital dominicana pero a difícil situación económica da súa familia impediulle graduarse de médico, polo que ao regresar á súa vila comeza a tocar o saxo alto, toma leccións de guitarra por correspondencia e logo comeza a compoñer.

No ano 1944, o seu compatriota e coterráneo Luís Kalaff convídao a formar parte do seu grupo, o trío Los Alegres Dominicanos. Sendo parte deste grupo, tamén foi intérprete de expresións folclóricas do seu país que se deron a coñecer, grazas á emisora radial La Voz Dominicana.

Desde finais dos anos 40, as súas composicións musicais empezan a coñecerse nas voces dos máis destacados intérpretes de América Latina. Unha das primeiras e máis coñecidas foi "Ninfa del alma", inspirada na súa esposa, Celeste Bobadilla. A carreira de Brens foi impulsada polo seu bolero "Bendito amor", gravado inicialmente polo seu compatriota Alberto Beltrán e anos máis tarde polas Hermanas Lago, o arxentino Leo Marini e o trio mexicano Los Tres Diamantes. Tamén o borícua Bobby Capó, no apoxeo da súa popularidade gravou o bolero "No, no vuelvo" e "Tú no recuerdas" gravado por Panchito Riset. Estes números impulsaron a Brens a unha inicial estelaridade como compositor, situándoo entre os grandes creativos das Antillas.

En 1951 prodúcese outro fito na súa carreira, cando o bolerista mexicano Fernando Fernández grava o disco e interpreta no cine o seu bolero "Peregrina sin amor".

Nos últimos anos da súa vida, Brens debeu retirarse ante o avance do mal de párkinson e de alzhéimer, dos cales viña padecendo desde anos atrás. Dous anos antes do falecemento de Brens, un medio impreso dominicano propúxose facer un reconto do que fora a súa carreira, pero debido aos padecementos do compositor e músico a súa memoria resultou tan afectada que debeu recorrer á súa esposa para realizar esta reportaxe. A súa saúde deteriorouse aínda máis ao falecer a súa esposa.

Catro dias antes da morte, fóralle diagnosticada septicemia, mal que lle arrincou a vida, finalmente.

Recoñecementos e homenaxes[editar | editar a fonte]

Bienvenido Brens recibiu varios recoñecementos e homenaxes polo seu labor en favor do rescate da música folclórica dominicana e pola transcendencia das súas composicións. O primeiro destes ocorreu en 1973, cando o entón presidente Joaquín Balaguer o condecorou coa Orde de Duarte, Sánchez e Mella no grao de Caballero. Ao ano seguinte, a Universidade Autónoma de Santo Domingo entregoulle unha placa polas súas contribucións coa arte musical dominicano. Mesmo, a poboación dominicana de Samaná declarouno Fillo Adoptivo.

Transcendencia[editar | editar a fonte]

Bienvenido Brens foi un compositor que logrou cos seus éxitos o prestixio da música popular ante o mundo enriquecendo a música da República Dominicana coas súas cancións en diferentes xéneros como Bolero, Balada, Media Tuna, Vals, Salve, Mangulina e Merengue.

As súas composicións foron interpretadas por recoñecidos cantantes dominicanos e internacionais tales como: Elenita Santos (Raíña de Sálvea), Lope Balaguer (El Cantantazo), Johnny Ventura, Anthony Rios, Francis Santana, Niní Cáffaro, Luchy Vicioso,Lucía Félix , Luís Vasquez, Vinicio Franco, Alberto Beltrán, Betty Missiego, Jose (Cheo) Feliciano, Fernando Fernandez, Panchito Rizet, Bobby Capo, Carlos Pizarro, Felipe Rodríguez, Danny Rivera, Leo Marini, Los Panchos, Trío Los Diamantes, o Trio de Johnny Rodriguez, os venezolanos Víctor Piñero e José Luís Rodríguez, Las Hermanas Lago entre outros.

Entre os seus temas o de maior proxección está "Peregrina Sin Amor" gravado en 14 versións por recoñecidos cantantes nacionais e internacionais.