Betty Van Patter
Betty Van Patter | |
---|---|
Nacemento | 1932 |
Lugar de nacemento | Estados Unidos de América |
Falecemento | decembro de 1974 |
Lugar de falecemento | California |
Causa | traumatismo físico |
Nacionalidade | Estados Unidos de América |
Ocupación | política |
[ editar datos en Wikidata ] | |
Betty Van Patter (1932-1974) foi contadora do Partido Pantera Negra durante o liderado de Elaine Brown, ademais de axudante desta.
Entrou no partido introducida David Horowitz. Tras un ano no cargo prodúcese un conflito entre ela e Brown relacionado con irregularidades financeiras. Tras esta liorta, o 13 de decembro de 1974, Betty desaparece e semanas máis tarde o seu corpo é atopado con fortes sinais de violencia nunha praia de San Francisco. A pesar de que as autoridades declararon o caso como irresolto, o militante David Horowitz mantivo dende entón que a responsábel da morte de Betty era Elaine Brown e que perseguía silenciar o apropiamento indebido de parte dos fondos da organización. Elaine Brown declarou nas súa memorias de 1992 (A Taste of Power) que Van Patter tiña un pasado criminal e fora detida por tráfico de drogas. Ante as protestas da familia da finada e á imposibilidade de demostrar tales afirmacións, as mesmas foron eliminadas en posteriores edicións do libro.