Bertín Osborne

Na Galipedia, a Wikipedia en galego.
Bertín Osborne á esquerda.

Norberto Juan Ortiz Osborne, coñecido como Bertín Osborne, nado en Madrid o 7 de decembro de 1953, é un cantante, presentador e actor español.

Traxectoria[editar | editar a fonte]

Naceu nunha familia aristocrática española, fillo de Enrique Ortiz y López-Valdemoro, oitavo conde de Donadío de Casasola e de María Teresa Osborne y Marenco. Estudou nos xesuítas de Chamartín e no colexio de Campillos (Málaga), aínda que pasou grande parte da súa infancia en Xerez da Fronteira (provincia de Cádiz) onde se atopan as bodegas, negocio tradicional da súa familia. En xullo de 1977 casa con Sandra Domecq y Williams con quen tivo catro fillos: Cristian, Alejandra, Claudia e Eugenia Ortiz Domecq e o 10 de xuño de 2006 contrae matrimonio con Fabiola Martinez con que ten dous fillos: Norberto e Enrique Ortiz y Martinez no ano 2007 e o 21 de novembro de 2008 o seu sexto e segundo a comentado, último fillo Carlos Ortiz Martínez.

Música[editar | editar a fonte]

Se ben a súa primeira actuación musical se remonta a 1971, no Festival de la Canción de El Escorial, tivo que esperar a 1980 para firmar o seu primeiro contrato para gravar un disco, que saíu a luz en 1981, con temas como "Amor Mediterráneo", "Tú, solo tú" (do compositor de Danilo Vaona), "Perdóname" e "Que nos pasa esta mañana"(ambas do compositor de Camilo Sesto). Un ano despois editaba Como un Vagabundo, o seu segundo LP.

En 1983 participa no Festival de San Remo co tema "Eterna Malattia", recibindo o premio da crítica ó mellor interprete. Entre os seus últimos traballos figura Sabor a México, onde rende tributo ás rancheiras.

Televisión[editar | editar a fonte]

Comeza a traballar na pequena pantalla interpretando unha telenovela en México. O seu regreso a España, en 1992 é contratado pola cadea Telecinco para presentar un espazo nocturno de citas de parellas titulado Contacto con tacto, con contido considerado de alto nivel erótico para os canons do momento. Á partir dese momento convertese nun dos presentadores máis populares de televisión en España.

Trala súa experiencia en Telecinco, é contratado por Antena 3, onde permaneceu nove anos, conducindo varios programas entre os que destacaron o concurso musical Lluvia de estrellas e a súa versión infantil Menudas estrellas.

Tamén presentou o programa dedicado os animais Ankawa en Televisión Española. A súa última incursión no medio ata o momento foi a última edición do Grand Prix emitido nas autonómicas.

Discografía[editar | editar a fonte]

  • Amor mediterráneo (1981)
  • Como un vagabundo (1982)
  • Tal como soy (1984)
  • Buena suerte (1985)
  • Dos corazones y un destino (1986)
  • Acuerdate de mi (1990)
  • Vida o castigo (1991)
  • En soledad (1992)
  • Quiero estar contigo (1993)
  • Sus singles para Hispavox (1998)
  • Mayor de edad 30 grandes éxitos (2000)
  • Sabor a México (2000)
  • Mis recuerdos (2002)
  • Algo contigo (2005)
  • Bendita America (2006)
  • 20 canciones de oro (2007)
  • Va por ellos (2008)

Traxectoria en TV[editar | editar a fonte]

Como presentador[editar | editar a fonte]

Como actor (telenovelas en México)[editar | editar a fonte]

  • Amor de nadie (1990).
  • Alondra (1995).

Véxase tamén[editar | editar a fonte]

Ligazóns externas[editar | editar a fonte]