Berán, Leiro

Berán
Igrexa de San Breixo de Berán.
Concello	Leiro
Área	- km²
Poboación	(Ano 2011) 270 hab.
Densidade	- hab./km²
Entidades de poboación	2

San Breixo de Berán é unha parroquia do concello de Leiro, na provincia de Ourense. No ano 2011 tiña 270 habitantes (135 homes e 135 mulleres), distribuídas en dous lugares, o que supón unha suba de habitantes continuada en relación ao ano 2008, cando contaba con 259 habitantes. Está situada a unha altitude de 296 metros sobre o nivel do mar, a uns 3,1 km da capital do concello, Leiro, pola estrada OU-0307.

Historia

Antes da constitución dos concellos no século XIX pertencía á xurisdición de Carballeda de Avia. Na primeira distribución municipal formou parte do concello de Beade, do que se segregou posteriormente para integrarse no de Leiro. Desde o 13 de decembro de 1924 está considerada unha das 9 entidades locais menores de Galiza.

Patrimonio

A igrexa de San Breixo de Berán é barroca, do século XVIII, con restos renacentistas e un escudo dos Sarmiento na fachada.

Festas e tradicións

As festas patronais de Berán celébranse a finais do mes de xullo, sendo o día grande o día de Santa Margarida, o día 20. Ademais, tamén se celebra o San Roque en agosto na capela do mesmo nome, no barrio de Trasouteiro, e a festa de Mozos e Vellos, tamén no mes de agosto. A finais de Outubro celébrase a festa do Licor Café, a única en Galicia dedicada a esta bebida tradicional galega.

Galería de imaxes

Artigo principal: Galería de imaxes de Berán, Leiro.

• 

  Cruz de lazos no adro da igrexa.

Lugares e parroquias

Lugares de Berán

Lugares da parroquia de Berán no concello ourensán de Leiro
Berán | Caldelas

Véxase tamén

Outros artigos

• Lugares de Leiro

Ligazóns externas

• Deputación de Pontevedra
• Páxina sobre Berán