Beppe Fenoglio

Na Galipedia, a Wikipedia en galego.

Beppe Fenoglio, nado en Alba (Cuneo) en 1922 e morto en Turín en 1963, foi un escritor italiano. As obras de Fenoglio céntranse en dous temas principais, o mundo rural da rexión de Langhe e a guerra partisana.

Traxectoria[editar | editar a fonte]

De familia de clase obreira, estudou na súa cidade natal e comezou na Universidade de Turín estudos na facultade de letras que tivo que deixar en 1943 para entrar no exército. Despois do armisticio de Cassibile do 8 de setembro de 1943, Fenoglio uniuse aos partisanos, participando na efémera experiencia da República Partisana de Alba. Despois da guerra Fenoglio reemprende os seus estudos que deixa para dedicarse á literatura.

En 1949 presentou á editorial Einaudi Racconti della guerra civile e a novela neorrealista La paga del sabato que non se chegan a publicar, e en 1952 por parte do material dos Racconti publicou I ventitre giorni della città di Alba, un conxunto de relatos. Bo coñecedor da lingua inglesa traduciu ao italiano a Samuel Taylor Coleridge en 1955. Autor tamén de Una questione privata (1963).