Bembibre, Taboada

Na Galipedia, a Wikipedia en galego.
Bembibre
Igrexa de San Pedro de Bembibre - Taboada (Lugo) - Fachada.jpg
Igrexa de San Pedro de Bembibre
Concello Taboada
Poboación 99 hab. (2007)
Entidades de poboación 6

San Pedro de Bembibre (do galaico Paemeiobris, significando " oppidum entre ríos"') é unha parroquia do concello de Taboada na comarca de Chantada, na provincia de Lugo.

No ano 2007 contaba con 99 habitantes, deles 47 eran homes e 52 eran mulleres, o que supón unha diminución de 7 habitantes en relación ao ano anterior, 2006.

Xeografía[editar | editar a fonte]

Situación de Bembibre no concello de Taboada.

Está situada no centro-norte do concello de Taboada, xusto ao norte da parroquia de Santo Tomé do Carballo (onde está a capital do municipio). Ten un relevo accidentado, con outeiros e vales. Abundan os carballos e os castiñeiros, aínda que en zonas sen núcleos de poboación, onde se dá máis o monte, proliferan os piñeiros e as matogueiras. Os ríos máis importantes son o rego de Portarríos, que atravesa o centro da parroquia, e o da Anguieira, que o fai polo sur.

No ano 2007 contaba con 99 habitantes (47 homes e 52 mulleres) distribuídos en seis núcleos de poboación: as Carballas, Deilás, Fiúnte, San Pedro, San Roque e as Seixas.

Historia[editar | editar a fonte]

Existe constancia de presenza prerromana pola existencia dun castro (Castro da Moa) que está sen escavar.

A finais do século XII construíuse a igrexa de San Pedro de Bembibre, que pertencía a un mosteiro hoxe desaparecido.

Coa pedra deste mosteiro ergueuse, en 1413, o pazo-fortaleza dos condes de Taboada. O seu fundador, Lope de Taboada, era orixinario de Castro Candaz, lugar que abandonou logo das incursións normandas traducidas en saqueos e ataques. No século XVII, o rei Filipe IV outorgoulle a don Xoán Taboada de Ribadeneira e Figueroa o título de Conde de Taboada, que pronto había quedar vinculado ao Condado de Maceda. Este nobre, que foi representante real no Reino de Galicia, recibiu sepultura en 1681 na igrexa de San Pedro de Bembibre. A última condesa de Taboada, Amelia González de la Maza, creou a fundación Condado de Taboada, que é a que actualmente detenta o seu patrimonio.

Até o ano 1898 a parroquia de Santo Tomé do Carballo pertencía á de San Pedro de Bembibre.

Patrimonio[editar | editar a fonte]

Arquitectura relixiosa[editar | editar a fonte]

Igrexa de San Pedro de Bembibre atópase a un quilómetro do pazo-fortaleza dos condes de Taboada. De planta rectangular e con ábsida semicircular, ten un interesante retablo, conserva o púlpito no muro norte, frescos en bo estado e o sartego do primeiro conde de Taboada, don Xoán Taboada de Ribadeneira e Figueroa. Foi declarada Monumento Nacional.

A capela do San Roque está situada nunha chousa do lugar homónimo. É propiedade do pazo dos condes e o seu recinto está complementado por un conxunto de cruces de pedra.

A capela de Deilás está na aldea do mesmo nome e ergueuse en honor á Virxe dos Remedios. Aquí celébrase unha novena antes do 9 de setembro, día en que se celebra a festa e, antes, tamén unha comida campestre con gran afluencia.

Arquitectura civil[editar | editar a fonte]

O pazo-fortaleza de San Pedro de Bembibre ou dos Condes de Taboada, construído en 1413 e residencia dos condes de Taboada dende entón. Ten unha planta en U e o aspecto dunha fortaleza: torre ameada e aspecto austero e robusto.

Galería de imaxes[editar | editar a fonte]

Artigo principal: Galería de imaxes da Igrexa de San Pedro de Bembibre

Lugares e parroquias[editar | editar a fonte]

Lugares de Bembibre[editar | editar a fonte]

Lugares da parroquia de Bembibre no concello de Taboada (Lugo)

As Carballas | A Casilla | Deilás | Fiúnte | San Pedro | San Roque | As Seixas

Parroquias de Taboada[editar | editar a fonte]

Galicia | Provincia de Lugo | Parroquias de Taboada

Ansar (Santo Estevo) | Arxiz (San Paio) | Bembibre (San Pedro) | Bouzoa (San Xoán) | Campo (San Xián) | Carballo (San Tomé) | Castelo (Santa María) | Cerdeda (Santa Mariña) | Cicillón (Santiago) | Couto (San Martiño) | Esperante (Santiago) | Fradé (Santiago) | Gondulfe (San Lourenzo) | Insua (San Salvador) | Mato (San Martiño) | Meixonfrío (Santa Mariña) | Moreda (Santa María) | Mourulle (San Vicente) | Piñeira (Santa María) | San Xián de Insua (San Xián) | Sobrecedo (Santiago) | Taboada dos Freires (Santa María) | A Torre (San Mamede) | Vilameñe (Santa Mariña) | Vilar de Cabalos (Santa Eulalia) | Vilela (San Miguel) | Xián (Santa María)


Véxase tamén[editar | editar a fonte]

Outros artigos[editar | editar a fonte]