Bellón
Na Galipedia, a wikipedia en galego.
O bellón (do francés billon, lingote; do latín medieval billia, billo) é unha aliaxe de prata e de cobre, contendo arredor do 50% de cobre.
[editar] Tipos e usos
Se o metal que predomina é a prata, dicimos bellón rico, no caso de predominar o cobre, bellón pobre. Utilizouse principalmente para facer moedas e medallas en épocas con escaseza de metais nobres e de devaluación monetaria.
O uso máis extenso do bellón foi na antiga Grecia e na Idade Media. Por exemplo, durante os séculos VI e V a. C. algunhas cidades da illa de Lesbos utilizaban moedas feitas dun 60% de cobre e un 40% de prata. No medievo o contido de prata baixaba, entre un 25% ou un 20% contiña.
En períodos de inflación, como no século III na Roma ou durante as revoltas de 1620 no imperio dos Habsburgo, as moedas de prata, a causa da redución constante e gradual do contido de prata, acaban sendo moedas de bellón.
Xeralmente en numismática utilizouse o término bellón para referirse directamente ao cacho de metal empregado para cuñar a moeda independentemente da súa composición.
