Batalla de Yser

Na Galipedia, a Wikipedia en galego.
Batalla de Yser
Conflito: Primeira Guerra Mundial
Data: Outubro de 1914
Lugar: Río Yser, Bélxica
Resultado: Estabilización da fronte
Combatentes
Flag of France.svg Francia
Bélxica Bélxica
Imperio Alemán Imperio Alemán
Francia 15.000 baixas
Bélxica 40.000 baixas
Descoñecidas
Carreira cara ao mar (setembro-outubro de 1914) Primeira batalla de PicardyBatalla de FlireyBatalla de AlbertPrimeira batalla de ArtoisBatalla de BasséeBatalla de MessinesBatalla de ArmentièresBatalla de YserPrimeira batalla de YpresPrimeira batalla de Champagne

A batalla de Yser foi unha batalla da Primeira Guerra Mundial, encadrada na Carreira cara ao mar.

Antecedentes[editar | editar a fonte]

En agosto de 1914, o exército do Imperio Alemán invadiu Bélxica e os Países Baixos coma parte do Plan Schlieffen. Sen embargo, a superioridade numérica dos exércitos alemáns provocou que os belgas tivesen que retroceder tras sucesivas derrotas, incluíndo o cerco de Antuerpen e a perda de diversas fortalezas. O obxectivo dos efectivos xermanos era o de chegar ata a canle da Mancha e os seus portos, como Calais e Dunkerque. Ao mesmo tempo tamén se iniciou a Primeira batalla de Ypres.

Desenvolvemento da batalla[editar | editar a fonte]

O exército belga andaba escaso de munición e as tropas estaban moi cansas, debido as contínuas retiradas ante a iniciativa alemana. Para poder aguantar a fronte, Francia enviou reforzos tanto de infantería como mariña.

Os primeiros combates comezaron o 16 de outubro, en torno á cidade de Diksmuide, onde as tropas aliadas detiveron o avance alemán. Ao día seguinte, tropas alemanas pouco experimentadas (estudantes pouco adestrados, reservistas...) atacaron Bruxas e Ostende. Simultaneamente, o IV Exército alemán avanzou e tomou a liña Nieuwpoort-Ypres. Deste xeito, os alemáns achegábanse ao río Yser. A partir de entón sucederíanse diversas batallas, sen ningún gañador claro, estabilizándose a fronte cara o 31 de outubro.

Consecuencias da batalla[editar | editar a fonte]

O obxectivo principal do Imperio Alemán era, por unha banda, derrotar e anexionar todo o territorio belga. Por outra banda, pretendía tomar diversos portos do Atlántico e así curtar as vías de subministros británicos. Non obstante os obxectivos non foron completamente conseguidos: Bélxica aguantou o envite alemán en torno ao río Yser e os británicos non se tiveron que retirar de Francia. Estímanse unhas 40.000 baixas belgas e 15.000 francesas. Descoñécense as perdas alemanas.