Barrio de Sagrada Família

Barrio de Sagrada Família

Nomeado en referencia a	templo expiatorio da Sagrada Familia
Localización
41°24′13″N 2°10′28″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distritos (pt)	Eixample de Barcelona
Poboación
Poboación	52.164 (2021) (49.632,73 hab./km²)
Xeografía
Superficie	105,1 ha

A Sagrada Família

Sagrada Família é un barrio do distrito do Eixample da cidade de Barcelona, ao redor do templo que lle dá nome, a Sagrada Família. O barrio está delimitado polo paseo de Sant Joan, a Gran Via de les Corts Catalanes e as rúas Dos de Maig e de Sant Antoni María Claret. Limita cos barrios de Dreta de l'Eixample e Fort Pienc, e os distritos de Gràcia, Horta-Guinardó, e Sant Martí.

É un barrio de tipo residencial, comercial e de negocios pero ata a segunda metade do século XX houbo unha importante presenza industrial, un exemplo é a antiga Fábrica Damm. O antigo mercado da Sagrada Familia foi antes de 1936 a fábrica de General Motors en Barcelona. E onde agora está o polideportivo municipal, estaba a fábrica téxtil SAFA, onde a nave principal dispuña dun teito de dobre bóveda catalá, lamentablemente perdido na súa derriba.

Os eixos comerciais máis importantes sitúanse na contorna do templo, coas prazas da Sagrada Família e a de Gaudí, na avenida Gaudí, e o mercado da Sagrada Família entre as rúas Provença, Padilla e Mallorca. En xullo de 2007 inaugurouse a Biblioteca Pública Sagrada Família da Deputación de Barcelona nun novo edificio anexo ao mercado da Sagrada Família.

Antes da guerra civil española, a zona central do barrio (Marina / València) era chamada coma "Poblet", dada a concentración de vivendas e casas, no medio dunha zona máis ben agrícola.