Morcego das fragas

Case ameazada

Reino:	Animalia
Filo:	Chordata
Clase:	Mammalia
Orde:	Chiroptera
Suborde:	Microchiroptera
Familia:	Vespertilionidae
Subfamilia:	Vespertilioninae
Tribo:	Plecotini
Xénero:	Barbastella
Especie:	B. barbastellus

Nome binomial

Barbastella barbastellus
Schreber, (1774)

Distribución de Barbastella barbastellus.

Subespecies

B. barbastellus subsp barbastellus, Schreber, (1774).
B. barbastellus subsp guanchae, Trujillo, Ibáñez e Juste, (2002).

Sinonimia

barbastelle, Müller, 1776
communis, Gray, 1838
daubentonii, Bell, 1836

O morcego das fragas^[1] (Barbastella barbastellus) é unha especie de morcego microquiróptero da familia Vespertilionidae.

Descrición[editar | editar a fonte]

É de tamaño medio, destacan as súas orellas grandes de forma cuadrangular, unidas na fronte no seu bordo interno. O pelame é bastante escuro, entre negruzco e pardo. A femia é lixeiramente maior có macho: de 35 a 42,5 mm de tamaño e un peso entre 5,6 e 13,7 g. Este morcego emite dous tipos de sinais ultrasónicas CF-FM, curtas e moi características, con máximos de intensidade en torno 32-37 e 41-43 kHz. A súa fórmula dental é ${\frac {2.1.2.3}{3.1.2.3}}$ .

Distribución[editar | editar a fonte]

Está amplamente distribuído por Centroeuropa acadando o sur de Escandinavia, está presente no norte de África e na maioría das illas do Mediterráneo, , aínda que pode ser raro nestas rexións, chegando até Turquía e a península de Crimea en Ucraína. En España a maioría das observacións realizáronse na metade setentrional, áchase presente nas Illas Baleares, na illa de Mallorca e nas Canarias, nas illas de Tenerife e La Gomera.

Único representante do seu xénero en Europa. As poboacións das Illas Canarias inclúense na subespecie Barbastella barbastellus guanchae.

Hábitat[editar | editar a fonte]

Trátase dun morcego pouco gregario, o tamaño das colonias adoitan ser de poucos individuos, normalmente por baixo dos 15 exemplares. Especie citada habitualmente en zonas montañosas e non especialmente asociado a zonas forestais, refúxiase tanto en árbores, como en casas e refuxios subterráneos, neste último caso sobre todo en inverno.

Ameazas[editar | editar a fonte]

Ao tratarse dunha especie que en áreas forestais adoita ocupar buratos nas árbores, veríase afectado pola dispoñibilidade de árbores de tamaño suficiente. A maior parte das localizacións desta especie están situadas en edificacións antigas en ambientes rurais e poden verse afectados polos problemas habituais deste tipo de refuxios (remodelación, ruína e molestias...). Non obstante as colonias do morcego das fragas adoitan mudar con frecuencia de localización e por isto veranse menos afectadas ca outras especies que utilizan estes refuxios de forma máis estable (p. e. rinolófidos, Myotis emarginatus).

Galería de imaxes[editar | editar a fonte]

Morcego das fragas voando.
Colonia de Barbastella barbastellus.
Mützel, para Brehm.

Notas[editar | editar a fonte]

↑ Gonzalez, Félix (autor) L. J. Palomo, J. Gisbert y J. C. Blanco (eds) (2007). "Barbastella barbastellus". En Dirección General para la Biodiversidad -SECEM-SECEMU. Atlas y Libro Rojo de los Mamíferos Terrestres de España (PDF). Madrid. p. 241-245.