Bara Mbacké
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2018.) |
| Biografía | |
|---|---|
| Nacemento | 1925  Senegal |
| Morte | 30 de xuño de 2010 (84/85 anos) Touba, Senegal (pt)  |
| Datos persoais | |
| País de nacionalidade | Senegal |
| Relixión | Islam |
El Hadji Serigne Mouhamadou Lamine Bara Mbacké, ou xeque Bara Mbacké, nado en 1925 en Touba e finado o 1 de xullo 2010, foi un relixioso senegalés e gran marabú do muridismo.
Traxectoria[editar | editar a fonte]
O xeque Bará Mbacké era o fillo máis vello de Mouhamadou Fallilou Mbacké, o segundo califa do muridismo, e neto do xeque Amadou Bamba, o fundador desta seita musulmá do Senegal. Era sobriño de Serigne Saliou Mbacké, o quinto califa, e ascendeu ao sexto califato do muridismo o 28 de decembro de 2001, á morte do seu predecesor, que o designara persoalmente.
O califa do muridismo é o líder espiritual da principal comunidade relixiosa do Senegal, e controla un gran número de recursos económicos no país. A súa capital é Touba, unha cidade do interior. O presidente senegalés Abdoulaye Wade presentoulle os seus respectos como califa ao día seguinte de ascender ao califato.
Bara Mbacké foi o primeiro neto de Bamba en dirixir o muridismo, e o máis vello, pois accedeu ao califato con 82 anos. Falaba diversas linguas, entre elas o uolof, o árabe, o francés e o inglés.