Banco Etcheverría
 Oficina Banco Etcheverría da Coruña. |
|
| Tipo | Sociedade Anónima |
|---|---|
| Fundación | 1717, Betanzos |
| Localización | Betanzos, (A Coruña)  Galiza |
| Fundador | Juan Etcheverry |
| Persoas clave | Javier Etcheverría (presidente) Domingo Etcheverría ( vicepresidente) Francisco Botas (Conselleiro Delegado) |
| Industria | Banca |
| Páxina web | bancoetcheverria.es |
O Banco Etcheverría é unha entidade bancaria fundada por Juan Etcheverry en Betanzos en 1717, sendo o banco máis antigo de España.
Historia [editar]
Foi fundado polo vasco-francés Juan Etcheverry. Logo de establecerse en Betanzos, fundou na cidade o banco nunha fábrica de curtidos de pel, que chegou a ser unha das máis importantes de Galiza.
Os seus herdeiros continuaron o negocio bancario, que sempre estivo en mans da familia a través de xeneracións (o primitivo apelido Etcheverry transformouse en Etcheverría para darlle a ortografía castelá).
En 1964 transformouse en sociedade anónima. Tódolos accionistas son membros da familia Etcheverría, agás a Corporación Caixa Galicia que, en 2002, entrou no accionariado da entidade cun 37%.
O banco é propiedade da entidade venezolana Banesco, que posúe o 70 % do banco, polo que pagou 60 millóns de euros[1].
Na actualidade dispón de oficinas nas catro provincias galegas, e ten un plan de expansión que inclúe a apertura de oficinas noutras partes de España. O banco está especializado na banca persoal, con tratamento ós clientes de forma individualizada.
