Bama, Touro
| Bama | |
|---|---|
 |
|
| Romaría de San Cidre. | |
| Concello | Touro |
| Área | - km² |
| Poboación | 335 hab. (2004) |
| Entidades de poboación | 11 |
San Vicenzo de Bama é unha parroquia que se localiza no oeste do concello de Touro na comarca de Arzúa. Segundo o padrón municipal de 2004 tiña 335 habitantes (174 homes e 161 mulleres) distribuídos en 11 entidades de poboación, o que supón unha diminución en relación ao ano 1999 cando contaba con 355 habitantes.
Índice |
Situación [editar]
Bama é unha das parroquias de Touro mellor comunicadas, pois dista de Compostela uns 10-15 minutos. Lémbrese que dende Bama chégase a Arca (N-547 Santiago-Lugo) en 5 minutos e que esta estrada vai morrer á autovía A-54. Ten tamén por conseguinte o aeroporto moi preto (10 minutos).
Festas [editar]
Caben destacar as festas patroais de San Vicenzo (a fin de semana máis próxima ao 22 de xaneiro), San Cidre (romaría na capela do mesmo nome o fin de semana máis próximo ao 15 de maio), e o San Ramón (primeiro fin de semana de setembro).
Pero o que máis destaca é sen dúbida o tradicional Entroido, que se celebra o domingo de Corredor (o domingo anterior ao de Entroido).
O Entroido de Bama [editar]
É sen dúbida ningunha o Entroido o acontecemento que máis xente trae a esta parroquia de Touro. O Entroido, ou tamén, as Máscaras, como popularmente se lle chama, ten lugar o domingo de Corredor, que se celebra o domingo antes ao domingo de Entroido.
O traballo para a celebración de tan singular festa comeza polo menos un mes antes onde se reúnen todos os que queren participar e vaise configurando a parranda, os xenerais, a vellada, o frade...
O día das Máscaras transcorre do seguinte xeito:
-Pola mañanciña a Parranda, conxunto de mozos e mozas vestidos de galegos ou disfrazados, van polas aldeas cantando, bailando e tocando. Sirva de exemplo a seguinte cancións:
Aquí están os da Parranda
contentos e entusiasmados,
se nos queren escoitar
non marcharán disgustados.
Escoita nena bonita
e asomate á ventana,
para escoitar as cancións
que che cantan os de Bama.
Se nos queren escoitar
ide soltando cartiños,
que a parranda non canta
se non lle untan os fuciños.
Lugares e parroquias [editar]
Lugares de Bama [editar]
| Lugares da parroquia de Bama no concello de Touro (A Coruña) | |
|---|---|
|
Bamela | Belvís | Campelo | Castro | Millares Grande | Sar | A Silva | Tarrío | Vilar | A Xesteira |
