Baltasar Silveira
| Biografía | |
|---|---|
| Nacemento | 1938. Helechosa de los Montes, Badaxoz. |
| Datos persoais | |
| País de nacionalidade | España  |
| Actividade | |
| Ocupación | Empresario |
| Lingua | Lingua castelá |
| Familia | |
| Cónxuxe | María del Rosario Martín |
| Fillos | José Bernardo Silveira Martín Julio César Silveira Martín María del Rosario Silveira Martín. |
José Baltasar Silveira Cañizares, nado en 1938 en Helechosa de los Montes (Badaxoz), é un empresario vigués do sector da mariña mercante.
Traxectoria[editar | editar a fonte]
De pai galego, naceu en Estremadura pero estudou bacharelato en Toledo e Náutica na Coruña, na especialidade de máquinas. Ao rematar a carreira, comezou a traballar como xefe de máquinas nalgúns dos buques pesqueiros de Pescanova. A principios dos setenta comeza a facer investimentos no sector inmobiliario, e en 1974 funda Remolcanosa, a primeira empresa do sector en Galiza e en España.
[editar | editar a fonte]
A primeira expansión da empresa foi a compra da portuguesa Tinita, que transforma en Remolcanosa Portugal. En 1997 adquire a empresa pública española Elcano, a maior navieira do estado naquel momento, dedicada fundamentalmente ao transporte de petróleo e derivados a granel. Múdalle o nome á empresa e chámaa Empresa Naviera Elcano, que integra no grupo empresarial Nosa Terra. Posteriormente merca a brasileira Docenave, que pasa a chamarse Elcano Brasil (2001), e crea Elcano Argentina.
En 1997 entra no negocio da sanidade coa compra da clínica viguesa Povisa, o maior hospital privado do estado. En 2002 merca tamén o sanatorio compostelán Nuestra Señora de la Esperanza.
É vicepresidente da cámara de comercio de Vigo e vicepresidente da aseguradora Aegón España.
Galardóns[editar | editar a fonte]
- Medalla de ouro do Club Financeiro de Vigo
- Medalla de prata de Galicia en 2002.[1]
Notas[editar | editar a fonte]
- ↑ Resolución no DOG.