Bíceps crural

Para outras páxinas con títulos homónimos véxase: Bíceps (homónimos).

O bíceps crural ou femoral é un músculo do membro inferior humano. Insírese superiormente no coxal, pasa pola coxa e chega á perna. O seu nome débese a que está formado por dúas porcións, unha longa e unha curta.

Insercións superiores

• Da porción longa: insírese no bordo inferior da pube.
• Da porción curta: insírese no intersticio entre os dous beizos do bordo posterior da diáfise femoral.

Insercións inferiores

As dúas porcións únense na metade inferior da diáfise femoral nun único tendón, que se insire na epífise proximal do peroné.

Inervación e vascularización

• Inervación: é inervado polo nervio ciático maior.
• Vascularización: é inervado pola arteria femoral fonda.

Relacións importantes

Artigo principal: Oco poplíteo.

• Forma parte do límite superior do oco poplíteo.

Funcións

Artigo principal: Articulación coxo-femoral.

• Na articulación coxo-femoral: é un extensor desta articulación.

Artigo principal: Xeonllo.

• No xeonllo: é un flexor da perna sobre a coxa, e tamén un rotador externo desta articulación.