Avelino Abuín de Tembra
| Avelino Abuín González | |
|---|---|
 |
|
| Nacemento: | 1931 Imo, San Xoán de Laíño Dodro (provincia da Coruña  Galicia |
| Falecemento: | 2 de marzo de 2009 |
| Lingua: | Galego |
| Xénero(s): | Poesía |
Avelino Abuín González, chamado Abuín de Tembra, nado en Imo, concello de Dodro, en 1931 e finado o 2 de marzo de 2009, foi un escritor galego.
Índice |
[editar] Traxectoria
Estudou Filosofía e Letras na Universidade de Santiago de Compostela e licenciouse en Filoloxía Románica. Foi catedrático de ensino medio e Técnico Superior de Relacións Públicas.
Foi o creador dos Xogos Florais do Ensino Medio de Galicia (1963), dos Cursos Monográficos Manuel Peleteiro (1966) e fundador do Padroadodo Pedrón de Ouro (1964, despois convertido en Fundación de Interese Galego). Foi secretario xeral da Fundación Rosalía de Castro e membro da súa Comisión de Cultura desde 1965).
Promoveu o premio de poesía "Eusebio Lorenzo Baleirón", que leva o nome dese poeta de Dodro. Fundou a revista electrónica Galicia Viva (1999) da asociación cultural epónima e creou a Ruta Rosaliana. Colaborou en numerosas publicacións xornalísticas galegas e na Radio Galega onde durante moitos anos dirixiu e presentou un programa dedicado ás bandas de música, que despois dirixiu e presentou en Radio Obradoiro.
Foi o pai do crítico literario Anxo Abuín.
[editar] Obras
[editar] Poesía
- Camiños, 1961, Atlas, Santiago de Compostela.
- Home ao pairo, 1974, Abrente, Santiago de Compostela.
- Roldas de Compostela, 1983, Edicións do Castro.
[editar] Ensaio
- Ruta Rosaliana, 1984.
- Rosalía, biografía do centenario, 1985.
- Rosalía, 1987, Patronato Rosalía de Castro.
[editar] Edicións
- En las orillas del Sar de Rosalía, 1984, Patronato Rosalía de Castro.
- Obras completas de Rosalía, 1992.
- Luís Aguirre. Poesía completa, 2007, 3C3.
- Na frente unha estrela, no bico un cantar, 2007, Fundación Rosalía de Castro.
[editar] Prólogos
- E segues a tirarme das entrañas, de Miguel Anxo Mouriño, 1997.
[editar] Premios
- Premio Ciudad de Carballo (1979).
- Premio Galicia de Poesía (1981).
- Premio Celso Emilio Ferreiro do Concello de Santiago (1981), por Roldas de Compostela.
