Autismo
O autismo é un trastorno neural do desenvolvemento que se caracteriza por escasa interacción social, por problemas de comunicación verbal e non verbal, e por actividades e intereses limitados, inusuais e repetitivos. Os primeiros signos comezan nos dous primeiros anos e non se coñece moi ben como acontece, implicando a moitas partes do cerebro.
Outros trastornos do espectro autista son a síndrome de Asperger, que non leva consigo dificultades no desenvolvemento cognitivo e da linguaxe, a síndrome de Rett e o trastorno xeneralizado do desenvolvemento non especificado.
O autismo ten unha base xenética, non obstante a xenética do autismo é complexa e non está claro se a explicación está máis en raras mutacións ou en raras combinacións de variantes xenéticas comúns. En casos raros, o autismo asóciase fortemente con axentes que causan defectos de nacemento.
A taxa de autismo é 1-2 por 1.000 e o conxunto dos trastornos do espectro autista do 6 por 1.000. Os nenos teñen catro veces máis posibilidades de sufrilo cás nenas.
O 2 de abril celébrase o Día Mundial da Concienciación sobre o Autismo [1].
