Imperio Austrohúngaro

Osztrák-Magyar Monarchia Österreichisch-Ungarische Monarchie Monarquía austrohúngara
← 1867–1918 ↓
Bandeira Escudo
Himno: Gott erhalte Franz den Kaiser
Capital	Viena (principal) e Budapest
Lingua	Alemán, húngaro (outras 12)
Goberno	Monarquía constitucional
Emperador
• 1867–1916	Francisco Xosé I
• 1916–1918	Carlos I
Historia
• Compromiso de 1897	30 de marzo de 1867
• Ind. Checoslovaca	28 de outubro de 1918
• Ind. eslavos do sur	29 de outubro de 1918
• Disolución	31 de outubro de 1918
Superficie
• 1914	676.615 km²
Poboación
• 1914 est.	52.800.000
Densidade	78/km²
Moeda	Florín Coroa
Precedido por Sucedido por Imperio austríaco Austria alemá R.D. de Hungría Checoslovaquia ZUNR República de Polonia Estado dos Eslovenos, Croatas e Serbios Reino de Italia
Hoxe parte de:   Austria   Bosnia e Hercegovina   Croacia   Eslovaquia   Eslovenia   Hungría   Italia   Montenegro   Polonia   República Checa   Ucraína

Imperio Austro-Húngaro
Nomes longos oficiais (e tradución ao galego)
gl: Os Reinos e Terras representadas no Consello Imperial e as Terras da Santa Coroa Húngara de Santo Estevo de: Die im Reichsrat vertretenen Königreiche und Länder und die Länder der heiligen ungarischen Stephanskrone hu: A birodalmi tanácsban képviselt királyságok és országok és a magyar Szent Korona országai

O Imperio Austrohúngaro (Österreichisch-Ungarische Monarchie en alemán, Osztrák–Magyar Monarchia en húngaro) foi un estado histórico europeo nado en 1867, tralo Compromiso Austrohúngaro que reconoñecía ó Reino de Hungría como unha entidade autónoma dentro do Imperio Austríaco, a partir dese intre, Austrohúngaro. En 1914 tiña unha extensión de 676.615 km² e contaba con 52.799.000 habitantes.

O que fora o Imperio Austrohúngaro se reparte hoxe en día en trece estados europeos que son na actualidade as nacións de Austria, Hungría, República Checa, Eslovaquia, Eslovenia, Croacia, Bosnia-Herzegovina e as rexións de Voivodina en Serbia, Bocas de Kotor en Montenegro, Trentino-Alto Adige e Trieste en Italia, Transilvania e parte do Bánato en Romanía, Galitsia en Polonia e Rutenia (rexión Subcarpática na Ucraína).

Cronoloxía do Imperio Austrohúngaro

Escudo do Imperio en 1867

1867 : Compromiso Austrohúngaro

1879 : Alianza de Austria-Hungría e o Imperio Alemán.

1882 : Italia únese á alianza.

1892 : Entra en circulación a coroa de ouro.

1907 : Entra en vigor o sufraxio masculino para todo home maior de 24 anos.

1907 : Primeiras eleccións en Austria. Novo compromiso entre Austria e Hungría.

1908 : Anexión de Bosnia-Herzegovina.

1912 : Serbia e Bulgaria forman unha alianza contra o Imperio Austrohúngaro.

1914 : O arquiduque Francisco Fernando e a súa esposa Sofía Chotek son asasinados en Saraxevo por un terrorista serbobosnio. A declaración de guerra de Austria-Hungría a Serbia provoca declaracións de guerra en cadea dando inicio á Primeira Guerra Mundial.

1915 : O Imperio Austrohúngaro declárase disposto a ceder a rexión de Trieste. Asínase o Tratado de Londres, segredo entre Reino Unido, Francia, Rusia e Italia: Italia cambia de bando obtendo Trieste como incentivo.

1916 : En plena guerra o emperador Francisco Xosé I morre tras 68 anos de reinado.

1917 : O novo emperador, Carlos I, tenta conseguir a paz por separado con Francia, sen resultado.

1918 : Carlos envía a Guillerme II de Alemaña un telegrama anunciándolle o fin da alianza.

• 28 de outubro, proclámase a república de Checoslovaquia.
• 31 de outubro, secesión de Hungría.
• 3 de novembro, armisticio entre o Imperio Austrohúngaro e os aliados.
• 7 de novembro, proclámase a república de Polonia (que se adxudica a rexión austríaca de Galitzia)
• 16 de novembro, proclámase a república de Hungría.
• 1 de decembro, as rexións do sur do Imperio únense a Serbia e Montenegro formando o Reino dos Serbios, Croatas e Eslovenos.
• 24 de decembro, unificación de Transilvania e Romanía.

1919 : O Imperio Austrohúngaro queda totalmente disolto tralos tratados de Saint-Germain e Trianon.

Véxase tamén

Outros artigos

• Subdivisións do Imperio Austrohúngaro