Aulas de hospitalidade

Na Galipedia, a Wikipedia en galego.

As aulas de hospitalidade (en francés: salle d´hospitalité) foron unha institución, creada en Francia en 1801, que tiña como obxectivo acoller a nenos abandonados.

Orixe[editar | editar a fonte]

Esta institución xurdiu grazas á filantropía da marquesa Adelaida de Pastoret. Ela coñecía unha figura semellante en Berlín, e tratou de aplicar ese modelo en París. Procurou que as actividades dos nenos tiveran unha finalidade práctica, fundamentalmente manual antes que memorística.

Aínda que este proxecto da marquesa non tivo unha gran repercusión, a súa colaboración sería decisiva para a aparición das Salas de Asilo.