Atilano Vecino Escuadra
| Atilano Vecino Escuadra | |||
|---|---|---|---|
| Información persoal | |||
| Nacemento | 18 de agosto de 1958 | ||
| Lugar de nacemento | Coreses | ||
| Posición | defensa | ||
| [ editar datos en Wikidata ] | |||
Atilano Vecino Escuadra, nado en Coreses (provincia de Zamora) o 18 de agosto de 1958, é un exfutbolista que xogaba na demarcación de defensa.
Traxectoria[editar | editar a fonte]
Comeza a xogar no equipo da súa vila natal e en 1980 fiha polo Zamora CF de Segunda División B e ao ano seguinte polo UD Melilla, na mesma categoría. Xa comezada tempada 1982-83 ficha polo Celta de Vigo de Segunda División por un prezo de catro millóns e medio de pesetas. Debuta co equipo vigués o 31 de outubro de 1982 na vitoria do Celta ante o Real Betis. No encontro seguinte marcaría un gran gol ao FC Barcelona de Diego Armando Maradona que significou o 2-2 ante o equipo culé.
A partir do ascenso a Primeira División do ano 1992 comeza a perder peso no equipo en favor de xogadores máis novos como Xurxo Otero. Na súa última tempada en Vigo, a 1993-94, o equipo chegou á final da Copa do Rei, final que perdeu ante o Real Zaragoza.
Xogou doce tempadas no Celta de Vigo, nas que disputou 333 encontros e marcou 7 goles, sendo recordado súa contundencia en defensa, disciplina e regularidade. Ao deixar o Celta abandona o fútbol en activo, pasando a ocupar un posto como adxunto de prensa e no corpo técnico do club.
