Athlone - Baile Átha Luain
| Athlone Baile Átha Luain |
|||
|---|---|---|---|
 |
|||
| Provincia | Leinster | ||
| Condado | Condado de Westmeath | ||
| Poboación | 16.834 hab. | ||
| Densidade | n/d hab/km² | ||
| Altitude | 56msnm metros | ||
| Páxina web | www.athlone.ie | ||
|
|||
Cidade da República de Irlanda  |
|||
Athlone (en inglés, ou Baile Átha Luain (Pantano de Luain), en gaélico é unha localidade irlandesa, capital do condado de Westmeath, cunha poboación duns 17.000 habitantes.
Índice |
[editar] Situación
Atópase no centro da illa de Irlanda, no curso do río Shannon xusto despois de pasar o lago Ree. e entre este e o xacemento de Clonmacnoise.
Administrativamente é un enclave entre dous condados (Westmeath e Roscommon), aínda que pertence ao primeiro exceptuando o caso do barrio máis occidental, Monksland, que se atopa fóra de Westmeath e polo tanto fora da provincia de Leinster, polo que tamén é unha localidade entre dúas provincias (Leinster e Connacht).
Tradicionalmente a división vén dada polo río Shannon, pero desta forma a cidade quedaba dividida, quedando por exemplo fóra de Westmeath o castelo ou a catedral, así que decidiuse incluír todo no condado citado, inda que a cidade seguiu medrando.
[editar] Personalidades
- O tenor John McCormack.
- O político Thomas Power O´Connor.
- O escritor John Broderick.
[editar] Lugares de interese
O seu castelo é o edificio máis visitado polos turistas e foi testemuña de varias batallas de gran transcendencia histórica.
Tamén podemos atopar a súa catedral católica en honra a San Pedro e San Pablo, moi preto do castelo.
Cruzando a ponte que está a poucos metros pásase á parte oriental que, inda que menos monumental, alberga a Igrexa de Santa María (onde foi bautizado John McCormack), o porto de recreo e o centro comercial, que atrae xente de moitos pobos de arredor e, tendo en conta que moita xente vive no rural, Athlone parece moito máis poboado nas fins de semana.
[editar] Infraestrutura
A obra de infraestrutura máis sinalábel é o dique que dá calado a boa parte do norte do Río Shannon e, para poder pasalo, tamén se construíron unhas esclusas con capacidade para dous ou tres barcos de recreo á vez.
[editar] Curiosidades
- En Athlone atópase o pub máis antigo de Irlanda e de Europa que se conserva, que data do século X.
- O seu nome (ver enriba) ven por Luain, que foi quen fundou o citado bar e debido á súa posición preto dun lago aos poucos foise formando a poboación e de feito o bar está pegado á base do castelo.
