Asociación Profesional de Xadrez

A Asociación Profesional de Xadrez (PCA) en inglés Professional Chess Association foi unha organización rival da FIDE creada por Garri Kasparov e Nigel Short pra organizaren e promoveren o seu propio Campionato do Mundo de xadrez, a entidade existiu dende 1993 ata 1996.

Preámbulo

No 1992 acaeceu que reapareceu un fillo dun soldado que combatira na Guerra Civil Española a favor da Segunda República española, o proxenitor estivo disposto a derramar o seu sangue e substituír a súa vida pra a vontade democrática española, loitando pra aqueles que non podían, pra os que se acovardaban e, tamén pra aqueles que loitando en parte oposta despois lamentándoo emigraron a países europeos pra gañar o pan que o seu país e o resultado da súa guerra gañada non lles daba.

O fillo dese combatente presentouse pra facer xustiza a un cidadán francés, este último non fora tratado como correspondía na Unión Soviética e fora desfavorecido por parte da FIDE, sempre manipuladora polas intromisións soviéticas. Pois a FIDE e a Unión Soviética non lle concederan un desquite ó francés, cómpre lembrar que a FIDE lle concedera antes e despois desquites a xadrecistas soviéticos. Tanto foi así, que moitos xogadores soviéticos e non soviéticos nunca puideron disputaren un Campionato do Mundo por teren que agardaren os duelos e os desquites mediante máis dunha década.

Os soviéticos e a FIDE non só se desfasaron en non concederlle o desquite ó francés, non, non lles chegou, pois de paso escolleron o aspirante a dedo e por si fora pouco, amedrentaron os rivais do escollido ata tal punto, que estes últimos se tiveron que converteren en disidentes. Mais aínda non estiveron fartos de desfasarse, non, pra remataren rexeitaron as propostas do fillo do soldado da Guerra Civil Española, propostas que eran lexítimas e moi xustas. Os desacordos levaron a que o fillo do soldado se retirase do xadrez co título de Campión do Mundo a costas, o único e verdadeiro Campión do Mundo Clásico ata a súa morte.

Cómpre decatar que a nai do fillo dese soldado foi enfermeira na Segunda Guerra Mundial, sobre todo encargouse das curas de moita xente soviética, feridas polos nazis entre outros. A nai non tiña ningunha obriga de facelo, pois ela era dun país centro europeo e neutral coa cruz branca na bandeira e puidese vivir alí ou ben nos EUA sen ter que ollar feridas. De recompensa se fora pouco, ela tivo que ver como o seu fillo medraba sen pai, xa que os EUA lle denegaran o ingreso no país. O entón neno medrou tamén en barrios moi marxinais sen que a nai o puidese coidar por ter que traballar.

Outros que se quixeron comparar con el, tiveron desde a infancia parentes que xogaban xadrez, grandes mestres de adestradores e o mellorciño de toda a maquinaria xadrecística soviética pra nunca obteren os resultados que o neno marxinado atinxiu.

Creación

Nigel Short gañou no 1993 as eliminatorias do torneo de candidatos e clasificouse pra xogar polo Campionato do Mundo de xadrez contra Garri Kasparov.

	Cuartos de final				Semifinal				Final
	Jan Timman	4½
	Viktor Korchnoi	2½
					Jan Timman	6
					Artur Yusupov	4
	Artur Yusupov	5½
	Vassily Ivanchuk	4½
									Jan Timman	5½
									Nigel Short	7½
	Nigel Short	5
	Boris Gelfand	3
					Nigel Short	6
					Anatoli Karpov	4
	Viswanathan Anand	3½
	Anatoli Karpov	4½

As ofertas pra o mundial de xadrez deberan seren concordadas por tres partes, polo campión, polo aspirante e pola federación, iso conforme as regras da FIDE. Segundo Nigel Short e Garri Kasparov, o naqueles tempos presidente da FIDE Florencio Campomanes incumpriu as regras da FIDE simplemente ó anunciar que Manchester gañara as poxas das ofertas pra ser a sede do mundial. Cómpre notar que a FIDE recada unha parte considerábel dos seus ingresos coas contribucións dos mundiais.

A consecuencia diso, Kasparov e Short crearon a PCA nomeando a Bob Rice comisario, logo xogaron baixo a PCA o seu propio Campionato do Mundo en outubro do 1993. O duelo patrocinado polo xornal inglés The Times protagonizouse no edificio do Savoy Theatre en Londres. Kasparov venceu contundentemente por 12½ a 7½.

Duelo polo Campionato do Mundo da PCA en Londres no 1993

Partidas por orde	1	2	3	4	5	6	7	8	9	10	11	12	13	14	15	16	17	18	19	20	Total
Garri Kasparov Rusia	1	½	1	1	½	½	1	½	1	½	½	½	½	½	1	0	½	½	½	½	12½
Nigel Short Inglaterra	0	½	0	0	½	½	0	½	0	½	½	½	½	½	0	1	½	½	½	½	7½

A FIDE anuloulle o título de Campión do Mundo a Kasparov e de paso organizou en contra outro Campionato do Mundo paralelo entre Anatoli Kárpov e Jan Timman, ambos foran eliminados por Short nas eliminatorias do torneo de candidatos. Kárpov gañou e proclamouse Campión do Mundo da FIDE. Por primeira vez na historia existiron dous campións do mundo ó mesmo tempo, o campión do mundo versión FIDE Anatoli Kárpov e o campión do mundo versión PCA Garri Kasparov.

Duelo polo Campionato do Mundo da FIDE en Zwolle, Arnhem, Amsterdam e Iacarta no 1993

Partidas por orde	1	2	3	4	5	6	7	8	9	10	11	12	13	14	15	16	17	18	19	20	21	Total
Jan Timman Países Baixos	0	1	½	½	½	0	½	½	½	0	½	½	½	0	0	0	½	½	½	1	½	8½
Anatoli Kárpov Rusia	1	0	½	½	½	1	½	½	½	1	½	½	½	1	1	1	½	½	½	0	½	12½

Ciclo 1995

A PCA levou a cabo un torneo Interzonal e duelos de candidatos co mesmo estilo das clasificatorias da FIDE entre 1993 e 1995. A FIDE tamén tivo o seu propio ciclo e algúns dos xadrecistas xogaron o ciclo da FIDE e ó mesmo tempo tamén o da PCA. O torneo dos candidatos da PCA gañouno o indio Viswanathan Anand.

	Cuartos de final				Semifinal				Final
	Gata Kamsky	4½
	Vladimir Kramnik	1½
					Gata Kamsky	5½
					Nigel Short	1½
	Nigel Short	6½
	Boris Gulko	5½
									Gata Kamsky	4½
									Viswanathan Anand	6½
	Michael Adams	7½
	Sergei Tiviakov	6½
					Michael Adams	1½
					Viswanathan Anand	5½
	Viswanathan Anand	5
	Oleg Romanishin	2

Kasparov denfendeu o seu título de Campión do Mundo versión PCA contra Anand nas Torres xemelgas (World Trade Center) de Nova York, o duelo empezara o 11 de setembro no 1995 e Kasparov gañou o duelo de 18 partidas 10½ a 7½.

Duelo polo Campionato do Mundo da PCA na planta 107 da torre xemelga sur en Nova Iorque no 1995

Partidas por orde	1	2	3	4	5	6	7	8	9	10	11	12	13	14	15	16	17	18	Total
Viswanathan Anand India	½	½	½	½	½	½	½	½	1	0	0	½	0	0	½	½	½	½	7½
Garri Kasparov Rusia	½	½	½	½	½	½	½	½	0	1	1	½	1	1	½	½	½	½	10½

Desaparición e secuelas

A PCA perdeu o seu patrocinador principal Intel no 1996 e parou de existir pouco despois. Iso deixou a Kasparov sen capacidade de organizar un ciclo de clasificacións pra pór o seu propio título en xogo. Kasparov escolleu no ano 2000 arbitrariamente ó seu ex pupilo Vladímir Krámnik como contrincante pra o Campionato do Mundo. Ese comportamento deixou moi mal sabor no mundo do xadrez xa que o posto de aspirante correspondía a Aleksei Xírov por gañarlle no 1998 a Krámnik nun duelo sen perder ningunha partida.

Dese xeito creou Kasparov nepotismo, el mesmo culpou toda a súa vida á FIDE e á Unión Soviética polo mesmo. Así predicou auga e bebeu viño. Sexa como for, no 2000 encontraron como patrocinador a Braingames. Kasparov e Krámnik xogaron polo título ó cal chamaron Campionato do Mundo Clásico de xadrez. A idea de poñelo clásico xurdiu porque segundo eles se entendía que só un aspirante que gañase ó Campión do Mundo podería ser campión. Unha maneira algo esquizofrénica porque eles mesmos se desautorizaban do título, xa que pola mesma regra de tres, Bobby Fischer sería o Campión Clásico ata morrer no 2008.

Krámnik derrotou a Kasparov sen perder ningunha partida, de modo que Kasparov sería naqueles momentos o único Campión do Mundo na historia que foi destronado sen nin poder gañar unha partida, o que foi un rexistro histórico remarcábel. Máis aínda tendo en conta que Krámnik perdera dous anos antes tamén sen gañar unha partida nun enfrontamento contra Xírov.

As secuelas da separación da FIDE en 1993 foron supostamente pechadas co título de reunificación no 2006 cando o Campión da versión FIDE Veselin Topalov perdeu contra Krámnik, mais no mundo real as secuelas seguen intactas.

Notas

Notas