Asemblea Nacional de Polonia

Na Galipedia, a Wikipedia en galego.

A Asemblea Nacional (Zgromadzenie Narodowe) é o nome das dúas cámaras do parlamento polonés, o Sejm (cámara baixa) e o Senat (cámara alta). Está presidida polo Mariscal do Sejm (Marszałek Sejmu).

Entre os anos 1922–1935 e 1989–1990, era a Asemblea Nacional quen elixía o Presidente de Polonia coa maioría dos votos. En 1935, foi substituída por unha Asemblea de Electores, que consistía no Primeiro Ministro, o Xefe da Xustiza, o Inspector Militar, 2/3 dos deputados do Sejm, e 1/3 do Senat. O Senado foi abolido en 1946, e así en 1947 Bolesław Bierut era escollido Presidente só polo Sejm. Non houbo presidentes desde 1952 até 1989, cando se recuperou o Senat e a Asemblea Nacional escolleu a Wojciech Jaruzelski como Presidente de Polonia.

De 1992 a 1997, a Asemblea Nacional elaborou e aprobou unha nova Constitución, ratificada por referendum o 25 de maio de 1997.