Asante Kotoko Football Club

Na Galipedia, a Wikipedia en galego.

O Asante Kotoko FC é un equipo de fútbol da cidade de Kumasi, en Ghana, un dos máis laureados do país e de África. Segundo a IFFHS, foi o mellor equipo africano do século XX. Fundado en 1926, o equipo gañou o seu primeiro gran título en 1959 co campionato de liga. Dende entón o seu palmarés non parou de medrar até acadar os 21 títulos de liga que ten actualmente. Nas competicións continentais o Asante Kotoko ten feito grandes actuacións, disputando 7 finais da Liga de Campións da CAF, das que só gañou 2.

O club xoga os seus encontros como local no Baba Yara Stadium de Kumasi, no cal collen 40.000 seareiros.

A camisola, os pantalóns e as medias do primeiro equipamento son de cor vermella. Varios xogadores do Asante Kotoko teñen tido éxito en equipos europeos, como Anthony Yeboah, Samuel Kuffour ou Asamoah Gyan.

Palmarés[editar | editar a fonte]

Torneos nacionais[editar | editar a fonte]

  • Liga ghanesa de fútbol (21) = 1959, 1963/64, 1964/65, 1967, 1968, 1969, 1972, 1975, 1980, 1981, 1982, 1983, 1986, 1987, 1988/89, 1990/91, 1991/92, 1992/93, 2003,2005, 2007/08
  • Copa de Ghana (8) = 1958, 1960, 1976, 1978, 1984, 1989/90, 1997/98, 2001

Torneos internacionais[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]