Asadur, Maceda

Na Galipedia, a Wikipedia en galego.
Asadur
Concello Maceda
Poboación 123 hab. (2011)
Entidades de poboación 12

Asadur (do latín Saturius ou villa Saturii) é un pequeno núcleo poboacional do concello de Maceda, situado nas abas do monte do Rodicio, coñecidas na Idade Media como 'costa de Sadur'. Hai constancia documental deste lugar[1] dende o século X ata mediados do século XIV por fundarse un mosteiro de monxas bieitas ('touquinegras'). Na igrexa conservase a pedra máis antiga do contorno, utilizada como ara do altar maior ata a reforma do Concilio Vaticano II. Crese que se remonta o século III d.C. e nela figura unha inscrición en latín a modo de dedicatoria ó cuestor romano Licinius, que di así: "Q. Licinio Veget. / res p. Int. / super alia con/plura merita / pares cum fisco/ rationes infati/gabili cura et / industria eius / consecuta (trad.: A respública dos Interamnenses fai esta dedicatoria a Quinto Licionio, pero sobre todo a causa da súa infatigable preocupación e traballo por obter do Fisco xustiza nos tributos para aquela).

Patrick Le Roux[2] afirma que esta inscrición "permite situar de modo case seguro o lugar central dos interamici". Patrick Le Roux situaría a civitas Interamicorum e o seu oppidum de nome descoñecido na aldea de Asadur, municipio de Maceda (Ourense).

No lateral oeste da igrexa (fachada exterior da sancristía) consérvase un baixorrelevo que Emilio Duro Peña (1973) cualificou de 'prerrománico'; Elixio Rivas Quintas[3] cualifícao de 'visigótico'. Na esquina superior dereita aparece unha breve inscrición en dobre liña: "IhS IN CRU/CE" (Xesús na Cruz).

Da importancia histórica desta poboación dá unha idea o sarcófago da capela da Virxe Dolorosa, situada ó lado da epístola, onde está soterrado don Pedro Vázquez de Castro, Comisario do Santo Oficio e señor dos cotos de Outeiro do Cabo, Cas García e granxa da Chaira de Vascós. Na parede, debaixo do escudo, una inscrición rota por unha ventá aberta con posterioridade di así: "Esta capela (fundou e) dotou o Ldo. Pº Vázquez de Cas(tro comi)sario do sto. oficio e abade de Asad(ur an)o de 1656". E no frontal do sepulcro ben conservado hoxe reza o seguinte: "Aquí está o corpo do comissario (don Pedro) Vázquez fundador desta capela. Ano de 1656".

Segundo o IGE Asadur tiña en 2011 123 habitantes (60 homes e 63 mulleres).

Lugares e parroquias[editar | editar a fonte]

Lugares de Asadur[editar | editar a fonte]

Lugares da parroquia de Asadur no concello de Maceda (Ourense)

Amedo | Asadur | Baldrei | O Campo | Celeirón | Coruxas | Outeiro do Cabo | Parada | Paradiña | A Parrocha | O Rial | Somoza

Parroquias de Maceda[editar | editar a fonte]

Galicia | Provincia de Ourense | Parroquias de Maceda

Asadur (Santa Mariña) | Castro de Escuadro (Santa Baia) | As Chás (San Xoán) | A Costa (Santiago) | Covas (San Xoán) | Foncuberta (Santa María) | Maceda (San Pedro) | Piúca ou Araúxo (Sta María) | Santiso (Santa María) | Tioira (Santa María) | Vilardecás (San Xoán) | Zorelle (Santiago)

Notas[editar | editar a fonte]

  1. (Emilio Duro Peña 1973: Archivos Leoneses, nº 54:309-365)
  2. (1996: "As ciudades da Gallaecia romana durante O alto Imperio", en Gerión, nº 14:363-379, Servicio de publicacións da Universidade Complutense de Madrid)
  3. (1991: un baixorrelevo en Asadur coa escea do Calvario", en Porta da Aira, 4:9-26)

Véxase tamén[editar | editar a fonte]

Outros artigos[editar | editar a fonte]