Artur Mas

Artur Mas
Artur Mas i Gavarró
{{{cargoexecutivo1}}}
Período:	{{{periodo1}}}
Antecesor:	{{{antecesor1}}}
Sucesor:	{{{sucesor1}}}
Chanceler:	{{{chanceler1}}}
Monarca:	{{{monarca1}}}
{{{cargoexecutivo2}}}
Período:	{{{periodo2}}}
Antecesor:	{{{antecesor2}}}
Sucesor:	{{{sucesor2}}}
{{{cargoexecutivo3}}}
Período:	{{{periodo3}}}
Antecesor:	{{{antecesor3}}}
Sucesor:	{{{sucesor3}}}
{{{cargoexecutivo4}}}
Período:	{{{periodo4}}}
Antecesor:	{{{antecesor4}}}
Sucesor:	{{{sucesor4}}}
Datos persoais
Nacemento:	31 de xaneiro de 1956
Lugar:	Barcelona, Cataluña
Falecemento:
Lugar:	,
Organización:	Convergència Democràtica de Catalunya
Afiliacións:	{{{afiliacións}}}
Cónxuxe:	{{{cónxuxe}}}
Parella:	{{{parella}}}
Fillos:	{{{fillos}}}
Parentes:	{{{parentes}}}
Residencia:	{{{residencia}}}
Cargo(s):	Presidente da Generalitat (dende 2010) Conseller en Cap (2001 - 2003) Concelleiro de Barcelona (1987 - 1995) Deputado no Parlamento de Cataluña (dende 1995)
Alma mater:	{{{almamater}}}
Profesión:	Político e economista
Relixión:	{{{relixión}}}
Sinatura:	{{{sinatura}}}
Sitio web:	{{{web}}}

Artur Mas i Gavarró, nado en Barcelona o 31 de xaneiro de 1956, é un economista e político catalán, presidente da Generalitat de Cataluña desde o 23 de decembro de 2010.

É tamén presidente da federación de Convergència i Unió (CiU) e presidente de Convergència Democràtica de Catalunya. Foi conselleiro de Política Territorial e Obras Públicas da Generalitat de Cataluña de 1995 a 1997, de Economía e Finanzas de 1997 a 2001 e Conselleiro Xefe (Conseller en Cap) entre 2001 a 2003. Foi o líder da Oposición do Parlamento de Cataluña de maio de 2004 a decembro de 2010.

Traxectoria

Licenciado en Ciencias Económicas e Empresariais, Artur Mas foi concelleiro no Concello de Barcelona (1987-1995) e é deputado no Parlamento de Cataluña desde 1995. Nese último ano foi nomeado conselleiro de Política Territorial e Obras Públicas, cargo que ostentou até finais de 1997, cando foi designado conselleiro de Economía e Finanzas.

En xaneiro de 2001 deixou a consellaría de Economía para pasar a ser Conselleiro Xefe da Generalitat de Cataluña, cargo que ostentou até decembro de 2003. En 2003 a federación de CiU, da cal era cabeza de lista, conseguiu a maioría relativa de deputados nas eleccións para o Parlamento de Cataluña, mais ficaría na oposición a causa da formación do denominado pacto tripartit, un acordo para gobernar asinado polo Partit Socialista de Catalunya (PSC), Esquerra Republicana de Catalunya (ERC) e Iniciativa per Catalunya-Els Verds (ICV).

O 27 de maio de 2004 Mas foi nomeado Xefe da Oposición polo novo presidente da Generalitat, Pasqual Maragall.

En 2006 voltou a se presentar ás eleccións ao Parlamento de Catalunya, como cabeza de lista de CiU, obtendo maioría simple de escanos, mais, de novo ao non lograr maioría absoluta, reedítase o acordo entre PSC, ICV e ERC, quedou máis unha vez excluído da presidencia catalá.

Presidente da Generalitat

O 18 de xaneiro de 2010 Artur Mas foi proclamado por terceira vez consecutiva candidato de CiU á presidencia da Generalitat para as eleccións de 2010. A designación produciuse nun contexto no que todas as enquisas apuntaban a un forte crecemento electoral da formación nacionalista.

O 28 de novembro de 2010, a súa formación obtivo unha ampla vitoria nas eleccións ao Parlamento de Cataluña, co 46% dos deputados da cámara (62 escanos). Esta folgada vitoria facía evidente a ampla maioría parlamentaria de CiU e o seu acceso ao Goberno de Cataluña, así como a elección de Mas como presidente da Generalitat.

Habéndose constituído o Parlamento, o 16 de decembro de 2010, a presidenta do Parlamento, Núria de Gispert, propúxoo como candidato á presidencia da Generalitat. No discurso de investidura do 20 de decembro, Mas reivindicou un novo modelo de financiamento para Cataluña como o gran reto para os próximos anos e proclamou a "transición nacional" de Cataluña baseada no dereito a decidir.

Foi investido o presidente da Generalitat de Catalunya, o 23 de decembro de 2010, ao contar cos votos favorables do grupo parlamentario de Convergència i Unió, e a abstención do grupo parlamentario do Partit dels Socialistes de Catalunya (PSC) nunha segunda volta. Asumiu o cargo oficialmente o 27 de decembro da man do seu predecesor José Montilla. O mesmo día nomeou o seu Goberno, que tomou posesión o 29 de decembro.

En plena crise económica e de relación co goberno central, Mas e o resto de dirixentes da cúpula de CDC dirixen o xiro independentisa de CDC a favor da independencia de Cataluña. Outras fontes sinalan que unha razón fundamental do xiro político é a vontade de distraer a atención dos numerosos escándalos de corrupción nos que CiU está implicado.

O 25 de setembro de 2012 convoca eleccións anticipadas para o 25 de novembro, dous anos antes do previsto, tras recoñecer o fracaso do pacto fiscal para Cataluña e ao non conseguir acordos na súa reunión en Madrid co presidente do Goberno español Mariano Rajoy.

Cargos

• Concelleiro do Concello de Barcelona. (1987-1995)
• Deputado por Barcelona no Parlamento de Cataluña. (Desde 1995)
• Conselleiro de Política Territorial e Obras Públicas. (1995-1997)
• Conselleiro de Economía e Finanzas. (1997-2001)
• Secretario xeral de CDC. (Desde 2000)
• Conselleiro Xefe da Generalitat de Cataluña. (2001-2003)
• Presidente de CiU. (Desde 2001)
• Xefe da Oposición de Cataluña. (2004-2010)
• Presidente da Generalitat de Cataluña. (Desde 2010)
• Presidente de CDC. (Desde 2012)

Predecesor: Jaume Roma i Rodríguez	Conselleiro de Política Territorial e Obras Públicas da Generalitat de Cataluña 1995-1997	Sucesor: Pere Macias
Predecesor: Macià Alavedra	Conselleiro de Economía e Finanzas da Generalitat de Cataluña 1997-2001	Sucesor: Francesc Homs i Ferret
Predecesor: Pere Esteve	Secretario xeral de Convergència Democràtica de Catalunya 2000-2012	Sucesor: Oriol Pujol
Predecesor: Ningún	Presidente de Convergència i Unió 2001-actualidade	Sucesor: No cargo
Predecesor: Ningún (Anteriormente Josep Tarradellas, 1954)	Conselleiro Xefe da Generalitat de Cataluña 2001-2003	Sucesor: Josep-Lluís Carod-Rovira
Predecesor: Ningún	Líder da oposición de Cataluña 2004-2010	Sucesor: Joaquim Nadal
Predecesor: José Montilla	Presidente da Generalitat de Cataluña 2010-actualidade	Sucesor: No cargo
Predecesor: Jordi Pujol	Presidente de Convergència Democràtica de Catalunya 2012-actualidade	Sucesor: No cargo

Véxase tamén

Ligazóns externas

• Páxina web oficial de Artur Mas (en catalán)