Articulación témporo-mandibular

Vista lateral da articulación temporomandibular no primeiro plano.

A articulación temporo-mandibular humana é unha articulación entre o maxilar inferior e o temporal, na que se artellan:

• Cóndilo da mandíbula
• Cavidade articular do temporal

Esta articulación é fundamental para a masticación, xa que permite mover a mandíbula.

Movementos da articulación

• Elevación e descenso
• Proxección cara adiante e cara atrás
• Lateralización

Ligamentos articulares

• Cápsula articular: contornea as superficies óseas.
• Ligamento temporo-mandibular: é o ligamento de maior entidade.
• Ligamento estilo-maxilar: forma parte do Ramallete de Riolano. Provén da apófise estiloide e chega ó maxilar inferior.
• Ligamento esfeno-maxilar: provén da espiña do esfenoide.

Músculos da articulación

• Depresores: ventre anterior do digástrico, milohioideo. Accesoriamente tamén o xenihioideo.
• Elevadores: temporal, maseter, pterigoideo interno
• Proxectores cara adiante: os dous pterigoideos externos contraéndose simultaneamente.
• Proxectores cara atrás: digástrico, fibras horizontais do temporal
• Lateralizadores: os pterigoideos internos e, sobre todo, os externos, contraéndose alternativamente dun só lado.