Articulación radio-cubital inferior

Na Galipedia, a Wikipedia en galego.

A articulación radio-cubital inferior ou distal é unha articulación do membro superior humano, pertencente ao antebrazo. A diferenza coa superior non forma parte do cóbado.

Superficies articulares[editar | editar a fonte]

Coma na superior, fórmana o radio e o cúbito. Artéllanse mediante unha superficie articular en cada epífise distal de cada óso, por dentro no radio e por fóra no cúbito. Pódese atopar unha cartilaxe entre ambas superficies, que evita o rozamento directo de ambos ósos.

Ligamentos de reforzo[editar | editar a fonte]

A cartilaxe articular emite febras cara o radio, ao cal queda ancorado. Tamén emite febras cara ao carpo, poñéndose en contacto coa articulación do pulso. Diferenciánse dous ligamentos importantes, o ligamento radiocubital anterior e o ligamento radiocubital posterior. Entre estes dous ligamentos e outras febras, fórmase o complexo ligamentoso triangular do carpo.

Función[editar | editar a fonte]

Facilita os movementos de pronación e supinación, nos que o radio se sitúa por enriba do cúbito. Ten unha mobilidade reducida.

Véxase tamén[editar | editar a fonte]

Bibliografía[editar | editar a fonte]

  • Gray. Anatomía para estudiantes. Miembro superior (en castelán)