Arteria cubital colateral inferior

Na Galipedia, a Wikipedia en galego.
Arterias do brazo e cóbado

A arteria cubital colateral inferior é unha arteria do membro superior que xorde a uns cinco centímetros por encima do cóbado. Discorre por dentro do bíceps braquial para despois pasar pola parte posterior do brazo, entre o úmero e o tríceps braquial. Neste punto, forma un arco por encima da fosa olecraniana coa arteria umeral fonda.

Á altura do antebrazo, da dous grupos de pólas, unhas cara a arteria cubital colateral superior e outras descenden ata o epicóndilo medial, onde se anastomosan coa arteria recorrente cubital anterior. Por detrás do epicóndilo, varias pólas diríxense cara a arteria recorrente cubital posterior.

Véxase tamén[editar | editar a fonte]

Bibliografía[editar | editar a fonte]

  • Gray. Anatomy of the human body (en inglés). Edición de 1918 de dominio público.