Ártabros

Os ártabros ou arrotrebas eran unha tribo de orixe celta asentada no noroeste da actual España. Eran os poboadores da zona que comprende a ría da Coruña e a ría de Ferrol ata a chegada do propio Xulio César no ano 62 a. C..

Xunto con Célticos e Nerios parecen configurar un grupo diferenciado dentro do pobo dos Galaicos. Viría en apoio desta hipótese a ausencia das habituais ofrendas aos deuses Galaico-Lusitanos, Bandua e Reue, en substitución de Cossu (divindade tamén presente en territorio dos ástures pero non na Bracarense e Lusitania). A súa diferenciación respecto dos Galaicos tamén é comentada por Estrabón:

Os que viven máis afastados son os ártabros, na rexión do cabo que chaman Nerio, que separa os flancos occidental e norte. Nela viven tamén célticos, emparentados cos das beiras do Anas. Din que nunha ocasión en que fixeron alí unha campaña militar estes xunto cos túrdulos, fixeron defección tras pasar o río Limia.

Estrabón refírese aos célticos da Beturia, asentados no val do actual Guadiana, e aos Túrdulos célticos da costa media de Portugal. Se desertaron tras cruzar o Río Limia, despréndese que non atoparon en Brácaros e Callaecos, as mesmas relacións de identidade que cos célticos do norte

Ligazóns externas

• Xeografía e Historia de Hispania de Estrabón (en castelán).