Arquidiocese católica latina de Przemyśl

Na Galipedia, a Wikipedia en galego.
Arquidiocese de Przemyśl
Archidioecesis Premisliensis Latinorum
Bazylika archikatedralna Wniebowzięcia Najświętszej Maryi Panny4.jpg

Datos xerais
Erección 1340 (primeiro bispo)
13 de abril de 1375 (diocese de Przemyśl)
25 de marzo de 1992 (elevada a arquidiocese)
Localización Voivodato de Subcarpacia, Polonia
Sufragáneas Rzeszów, Zamość-Lubaczów
Estatísticas
Poboación
- Fieis
- Total

763.352 (97,9%)
780.000
Área 9.750 km2
Información
Igrexa particular Igrexa Latina
Ritos Rito romano
Xerarquía
Papa Francisco
Arcebispo Józef Michalik (dende 1993)
Outros datos
Páxina web www.przemskya.pl

A arquidiocese de Przemyśl é unha sé metropolitana da Igrexa Católica de rito latino. No ano 2004 contaba con 763.352 bautizados sobre un total de 780.000 habitantes. O arcebispo actual é, dende 1993, Józef Michalik.

Territorio[editar | editar a fonte]

A arquidiocese comprende a parte suroriental do Voivodato de Subcarpacia. A sé arquiepiscopal é a cidade de Przemyśl, onde se atopa a catedral dedicada á Asunción da Virxe María e a San Xoán Bautista.

O territorio está subdividido en 41 decanatos e en 383 parroquias.

Historia[editar | editar a fonte]

A diocese de Przemyśl foi erixida en abril de 1340. O 13 de febreiro de 1375 o papa Gregorio XI coa bula Debitum pastoralis elevou a sé de Halyč ao rango de metrópole, e lle asignou Przemyśl como diocese sufragánea. A comezos do século XV a sé de Halyč foi trasladada a Lviv, mantendo Przemyśl como sufragánea.

En 1772 o territorio da diocese pasou a formar parte do Imperio Austríaco e sufriu a política de inxerencia nos asuntos relixiosos coñecida co nome de xosefinismo, que levou á clausura de 31 mosteiros e dos seminarios diocesanos (o seminario foi reaberto en 1819).

Durante a Segunda Guerra Mundial a diocese e os seus habitantes sufriron primeiro a ocupación soviética (1939-1941) e despois a alemá (1941-1944). Neste periodo foron arrestados 90 sacerdotes. Co fin da guerra, logo da revisión da fronteira entre a Unión Soviética e Polonia, a diocese perdeu arredor da terceira parte do seu territorio, e os polacos que alí residían foron trasladados á parte occidental. Despois de 1945 foron pechados todos os mosteiros e confiscados moitos dos edificios das institucións e parroquias católicas, así como as propiedades da diocese.

En marzo de 1992, coa reorganización das dioceses polacas polo papa Xoán Paulo II coa bula Totus tuus Poloniae populus, cedeu parte do seu territorio para erixir a diocese de Rzeszów e ao mesmo tempo foi elevada ao rango de arquidiocese metropolitana.

Episcopoloxio[editar | editar a fonte]

Bispos de Przemyśl[editar | editar a fonte]

Arcebispos de Przemyśl[editar | editar a fonte]

En 1992 a sé foi elevada a arquidiocese. Dende entón, os arcebispos de Przemyśl teñen sido os seguintes:

Vexase tamén[editar | editar a fonte]

Ligazóns externas[editar | editar a fonte]