Armond Hill

Armond Hill
Posición	Base
Dorsal	24, 22
Altura	1,93 m (6 ft 4 in)
Peso oficial	86 kg (190 lb)
Nacemento	31 de marzo de 1953 (71 anos) Brooklyn, Nova York
Carreira
Universidade	Princeton (1972–1976)
NBA Draft	1983 / Rolda: 1 / Elección: 9 Por Atlanta Hawks
Tempadas	1976–1984
Equipo(s)
Atlanta Hawks (1976–1980) Seattle SuperSonics (1980–1982) San Diego Clippers (1982) Milwaukee Bucks (1982) Atlanta Hawks (1983–1984)
Estatísticas (NBA)
Puntos	3 214
Rebotes	917
Asistencias	2 194
Stats @ Basketball-Reference.com
Premios
1× Campión NBA (2008) (adestrador asistente)
Adestrador
Universidade de Columbia (1995–2003) Atlanta Hawks (2003-2004) (asistente) Boston Celtics (2004-2013) (asistente) Los Angeles Clippers (2013-presente) (asistente)

Armond G. Hill, nado o 31 de marzo de 1953 en Brooklyn, Nova York, é un ex xogador profesional de baloncesto estadounidense e actual adestrador asistente de Doc Rivers nos Los Angeles Clippers da National Basketball Association (NBA).

Traxectoria deportiva

Profesional

Tras graduarse no Bishop Ford Central Catholic High School en Brooklyn, Hill foi á Universidade de Princeton, onde xogou para o adestrador Pete Carril. Foi nomeado Xogador do Ano da Ivy League en 1976, e entrou no Draft da NBA. Foi elixido polos Atlanta Hawks, e tivo unha sólida carreira na NBA, acadando 6.9 puntos e 4.3 asistencias por partido nas oito tempadas que xogou na liga. Hill xogou para os Atlanta Hawks, Seattle SuperSonics, San Diego Clippers e Milwaukee Bucks.

Adestrador

Tras a súa etapa coma xogador, Hill converteuse en adestrador asistente na Lawrenceville School en Lawrenceville, Nova Jersey. Tres anos despois foi ascendido a adestrador principal. Gañou dous galardóns ó mellor adestrador do ano e en 1990, liderou a Lawrenceville ó campionato escolar de New Jersey State.

En 1991, Hill entrou no nivel universitario para volver a Princeton, onde foi asistente do seu antigo adestrador Pete Carril. En 1995, sucedeu a Jack Rohan coma adestrador principal da Universidade de Columbia. En oito tempadas coma adestrador dos Lions, Hill foi incapaz de rematar unha tempada cun récord de vitorias positivas, e rematou cunha marca de 72-141. O 10 de marzo de 2003, dous días despois de que Columbia rematara cun récord de 2-25, a peor tempada da universidade en 103 anos de historia, Hill foi despedido.

Durante a tempada 2003-04 da NBA, Hill converteuse en asistente de Terry Stotts nos Atlanta Hawks. Tras unha tempada en Atlanta, foi contratado polos Celtics para ser asistente de Doc Rivers.

Véxase tamén

Ligazóns externas

• Estatísticas da súa carreira como xogador Arquivado 23 de novembro de 2009 en Wayback Machine. (en inglés)
• Biografía na web dos Boston Celtics (en inglés)